Abian da Aiaraldeko “Beldur Barik jarrera” lehiaketa. Laudio, Orozko, Aiara, Amurrio edo Urduñan bizi edo ikasten duten 12 eta 26 urte bitarteko gazteei zuzendutako ekimena da. Azaroaren 11n bukatuko da parte hartzeko epea.
Gazteak norbanako edo talde gisa aurkeztu ahalko dira lehiaketara. Hainbat ikusentzunezko formatuetako lanak onartuko dira: olerki errezitatuak, flashmob-ak, fotonobelak, film laburrak, bideoklipak… Gaia berriz, indarkeria sexistaren prebentzioari lotua egon beharko da. Sariei eta lehiaketaren oinarriei buruzko informazio gehiago www.beldurbarik.org web-gunean topatu daiteke.
Mugikorrekin filma laburrak sortzeko tailerra
Lehiaketari loturik, mugikorrekin filma laburrak sortzeko tailerra egongo da Laudion, arestian aipatutako adin tarte bereko gazteei zuzendua. Tailerra hiru larunbatetan egingo da: Urriaren 17an, 24an eta 31an, 10:00etatik 13:00etara Kultur Etxean. Doakoa izango da, eta izena Udaleko Berdintasun Arloan eman daiteke, 94 403 48 50 telefonora deituaz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
