“Espainiar Estatu inperialistari Herri Epaiketak” ekimenaren baitan hainbat ekintza antolatu dituzte Aiaraldean Askapenako kideek. Ekimenak espainiar estatuak Euskal Herriarekiko eta estaturik gabeko beste herriekiko, nahiz Ameriketako sarraskian edota Sahararen ukazio eta zapalketan duen ardura salatzea du helburu.
Ekimenari hasiera emango zaio Amurrion, hilaren 17an, arratsaldeko 20:00etan egingo duten kale ekitaldiarekin. Hurrengo egunean, berriz, Urduñan izango dira, 20:30etan, bigarren kale ekitaldi bat egiteko.
“Espainiar Estatu inperialistari Herri Epaiketak” ekimenaren baitan ekintza desberdinak antolatu dituzte Aiaraldean. Ekimenak espainiar estatuak Euskal Herriarekiko eta estaturik gabeko beste herriekiko, nahiz Ameriketako sarraskian edota Sahararen ukazio eta zapalketan duen ardura salatzea du helburu.
Ekimenari hasiera Amurrion emango zaio, hilaren 17an, arratsaldeko 20:00etan egingo duten kale ekitaldiarekin. Hurrengo egunean, berriz, Urduñan izango dira, 20:30etan, bigarren kale ekitaldi bat egiteko.
Laudion ekimenaren zati handiena ospatuko da. Irailaren 20rako goiz osorako plana antolatu dute. Hasteko murala egingo dute, goizeko 9:00etan, polikiroldegi ondoko horman. Ondoren, 11:00etan auziperatuen hitzaldia egongo da herriko plazan. 12:30etan, berriz, Lamuza plazatik manifestazioari hasiera emango diote, ondoren ekimenaren muinera heltzeko: Herri Epaiketa izango dena. Goizak amaiera joko du Herriko Plazan 15:00etan egingo den bazkariarekin.
Bazkarirako tiketak Urduñako Mugalden, Amurrioko Txokogorrin, Aretako Kultur Etxean eta Laudioko Iratxo eta Ilargin eskuratzeko aukera egongo da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
