Iaz bezala, aurten ere udako jaiei buruzko paperezko gehigarri berezia argitaratu du Aiaraldea Komunikazio Leihoak. Kolore hutsezko ia 70 orri ditu aldizkariak, eta abuztua eta irailean bitartean eskualdean egongo diren jai guztien egitarauak biltzen ditu, 30 guztira.
Honako herri guzti hauen egitarauak biltzen ditu aldizkariak: Kexaakoak, Luiaondoko Santo Domingo eta San Lorentzokoak, Soxokoak, Etxaurrengoak, Luxokoak, Opellorakoak, Kobatakoak, Beotegikoak, Menagaraikoak, Okondokoak, Arrankudiagakoak, Atxetakoak, Amurriokoak, Aloriakoak, Larrabekoak, Lekamañakoak, Baranbiokoak, Laudiokoak, Latiorrokoak, Orruño kalekoak, Kalebarriakoak, La Antiguakoak, Koroatze Jaienak, Orozkokoak, Ibarrakoak, Berazakoak, Goikirikoak, Urigoitikoak eta Artziniegakoak.
Egitarau hutsak baino gehiago: Elkarrizketak, erreportajeak...
Orrietan, baina, irakurleak ez ditu egitarau hutsak soilik topatuko. Jaien antolatzaile, pregoilari zein protagonistei eginiko elkarrizketak, festen jatorriei buruzko erreportajeak... makina bat testu ditu gehigarriak, jaietan ondo murgiltzeko haina.
Gaur ekin diote Aiaraldea Komunikazio Leihoko langile eta boluntarioek aldizkaria doan banatzeari, eskualdeko saltoki, kale, geltoki, taberna zein bestelako guneetatik. Aiaraldea Herri Elkargoko kideek, berriz, euren etxean jasoko dute euren alea.