Egunak baino ez dira falta Aiaraldeako gazteak eskualdeko martxa abiatzeko. Duela asteak iragarri zuten ibilbidea eta orain aurkeztu dute martxan antolatutako egitaraua.
Plataformaren izenak esaten duen bezala, lan, bizi eta ikasi gaiak jorratuko dituzte egunez egun.
Ainhoa Etxaide
Asteazkenean, uztailak 1, Aretako LIPmesa enpresatik irten eta Luiaondora heltzerakoan, Lan munduaren txanda izango da eta Euskal Herriko zein Aiaraldeko langile mugimenduaren historia eta oraina aztertuko dituzte. Gai hori jorratzeko Ainhoa Etxaideren laguntza izango dute besteak beste, LAB sindikatuko idazkari nagusia.
Txantreako Emantzipazio Bulegoa
Bigarren egunean Luiaondotik Arespalditzara joan ondoren, Bizitzaren gaia jarriko dute mahai gainean. Jolasteko eta eztabaidatzeko aukera izango dute baita Txantreako Emantzipazio Bulegoaren bisitaz gozatzeko.
Eta azken egunean Amurrion bukatzen da ibilbidea eta egunerokotasunean beharrezkoak diren trebakuntzak Ikasteko aukera emango dute. Ondoren jai girora salto eginez, Esne Potak, Ezberdin Jacks eta Aiaraldeko Sound System taldeen kontzertuak izango dira Amurrioko Gaztetxean.