Udako solstizioa ospatzeko sua ez da izango egun hauetan zehar piztuko den gauza bakarra. Beste gauza bat piztuko da baita: suziria, Aiaraldeko udako jaien maratoiari hasiera emango diona.
Ez dira gutxi eskualde osoan zehar festa egiteko egongo diren paradak, orotara 50 jai inguru egongo baitira, ekainetik uztailera bitartean.
Murgako eta Delikako jaiek osatuko dute seguru asko oso-oso osasuntsua izango ez den parranda-maratoi horren lehen kilometroa, aste honetan izango baitira biak (gaur da Murgako jaien azken eguna). Laudioko Jaiak Koordinakundeak antolatzen dituen Sanpedropekoak eta Arrankudiagan ospatzen diren San Pedro Jaiak ere asteburu honetan izango dira.
Behin uztailean sartuta, festak ez du etenik izango. Herri txiki asko ditu Aiaraldeak, eta denek dute jai-egunen bat gutxienez, gehienetan Santu baten omenezko dataren baten inguruan. Gauzak hala, jai txikiak dira hilabete horretan egongo direnak. Baina jai txikiek ere izan ohi duten euren xarma, oso herrikoiak izateko joera dutelako.
Abuztua, berriz, “jai handien” hilabetea izango da. Orduan izango baitira eskualdeko bi herri nagusienetako festak: Amurriokoak eta Laudiokoak. Laudioko Jaien bigarren txanpak gogor lehiatu beharko du aurten Bilboko Aste Nagusiarekin, egun guztietan zapalduko baitira elkar.
Askorentzat iraila izango da udaz eta festaz ahaztu eta ikasturte berriari aurre egiteko hilabetea. Baina Aiaraldeko herri askotan jarraituko du festa giroak. Hilabetearekin batera hasiko dira Orozkoko San Antolinak, eta hilaren 6ra arte iraungo dute. Artziniegakoak, berriz, hilaren 4an hasi eta 13an bukatuko dira.
Jarraipen berezia
Udako jaien jarraipen berezia egingo du Aiaraldea Komunikazio Leihoak. Festa guztiak agendan biltzeaz gain, protagonistei eginiko elkarrizketak, argazki-galeriak zein bideoak ere argitaratuko ditu. Twitter edo Facebook bezalako sare sozialak erabiliko ditu baita, eta herritarrek euren argazki, bideo zein txio propioak bidaltzea sustatuko du. Paperezko formatuak ere izango du protagonismoa, uztailean argitaratuko den gehigarri bereziarekin.
Uztaila
ERRETESEKO JAIAK: Uztailaren 4an eta 22an
BASAKOETXEKO JAIAK (ARRANKUDIAGA): Uztailak 12
GOIKOLARRA AUZOKO JAIAK (AMURRIO): Uztailak 11
TERTANGAKO JAIAK: Uztailaren 9tik 12ra.
SALMANTONEKO JAIAK: Uztailaren 18an.
LUIAONDOKO JAIAK: Uztailaren 18tik 19ra
ERRETES TUTERA ETA SALBANTONE JAIAK: Uztailaren 17tik 19ra.
ARAKALDOKO JAIAK: Uztailaren 17tik 19ra
SANTA MARINAKO JAIAK (OROZKO): Uztailak 18
ZUHATZAKO JAIAK: Uztailaren 18tik 19ra
LARRINBEKO JAIAK: Uztailaren 24-25
SANTIAGO EGUNA TXARLAZON: Uztailak 25
AGINAGAKO JAIAK: Uztailaren 23tik 25era.
ARETAKO JAIAK: Uztailaren 24-27
UGARTEKO JAIAK: Uztailaren 31tik Abuztuak 2ra
LANTENOKO JAIAK: Uztailaren 25aren inguruan
Abuztua
LENDOÑOBEITIKO JAIAK: Abuztuak 3
KEXAAKO JAIAK: Abuztuaren 5aren inguruan
SAN ROMAN JAIAK (OKONDO): Abuztuak 8 eta 9
LUIAONDOKO JAIAK (SANTO DOMINGO): Abuztuak 8-9 inguruan
LUIAONDOKO JAIAK (SAN LORENZO): Abuztuaren 10ean
URIGOTIKO JAIAK (OROZKO): Abuztuaren 7tik 9ra
ANDRA MARI (ARRANKUDIAGA): Abuztuak 8, 14, 15, 16 eta 17
ORRUÑOKO JAIAK (URDUÑA): Abuztuak 9
KALE BARRIAKO JAIAK (URDUÑA): Abuztuak 16
AMURRIOKO JAIAK: Abuztuaren 12tik 17ra
IBARRAKO JAIAK (OROZKO): Abuztuak 15 eta 16
LUXOKO JAIAK: Abuztuaren 15aren bueltan
LAUDIOKO JAIAK: Abuztuaren 15tik 17ra eta 26tik 30era.
SAN BARTOLOME (AMURRIO, LARRABE AUZOA): Abuztuaren amaieran
OKONDOKO SAN BARTOLOME JAIAK: Abuztuaren 21tik 24ra
ALORIAKO JAIAK: Abuztuko azken asteburuan
SOXOKO JAIAK: Abuztuko azken asteburuan
Iraila
OROZKOKO JAIAK (SAN ANTOLINAK): Irailaren 1etik 6ra.
URDUÑAKO KOROATZE JAIAK: Iraila hasieran
ETXAURRENGO JAIAK: Irailak 13
SAN VITORES (AIARA): Iraileko lehengo larunbatean
BARANBIOKO JAIAK: Iraileko bigarren asteburuan
ARTZINIEGAKO JAIAK: Irailaren 4tik 13ra
LATIORROKO JAIAK (LAUDIO): Irailaren 18tik 20ra
ATXETAKO JAIAK (ARRANKUDIAGA): Iraileko hirugarren asteburuan
LEKAMAÑAKO JAIAK: Iraileko azken asteburuan
MENAGARAI ETA BEOTEGIKO JAIAK: Iraila amaieran