Udako solstizioa ospatzea antzinako ohitura zaharra da eta eskualdean modu ezberdinetan egin dute hainbat lekutan. Herri batzuetan sua piztu dute San Joan jaietan eta beste batzuetan ordea akelarreak antolatu dituzte Gazte Asanbladak, Urduñan eta Amurrion adibidez.
Artziniegan Etnografia Museoak igandean egin zuen ospakizuna. Adarraren soinuak pertsonaia mitologikoen kalejirari hasiera eman zion. Akerra, Basajaun, Marigorringo... Museotik atera ziren herriko gazteek lagunduta. Bueltan, Builakak giroa animatu zuen, dantzariek plaza hartu arte. Ikuskizuna amaitzeko bi taldeek batera Sorgin Dantza dantzatu ostean, odolosteak dastatzeko aukera egon zen.
Argazkiak: Fontso Larrazabal, Ixone Collado, Josu Ganzabal, Jabi Asurmendi, Zuriñe Alava,Irati Moreno, Goiatz Urquijo, Raul Olaya, Aitor Burgoa, Etnografia Museoa, Samuel Pasandin eta Artea Etnografi Elkartea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide