aiaraldea.eus

Hauteskundeen jarraipen berezia aiaraldea.eus-en eta egunkari berezia maiatzaren 25ean

Erabiltzailearen aurpegia Txabi Alvarado Bañares   Komunikazioa  Aiaraldea

Iragan Udal eta Foru Hauteskundeak ospatu zirenean Aiaraldea Komunikazio Leihoak urtebeteko ibilbidea baino ez zeukan. Baina boluntarioek eginiko lanari esker egunaren jarraipen zabala egitea lortu zuen elkarteak, alkategaiei eginiko bideo-elkarrizketak eta zuzeneko saio baten emisioa ardatz hartuta.

Iragan Udal eta Foru Hauteskundeak ospatu zirenean Aiaraldea Komunikazio Leihoak urtebeteko ibilbidea baino ez zeukan. Baina boluntarioek eginiko lanari esker egunaren jarraipen zabala egitea lortu zuen elkarteak, alkategaiei eginiko bideo-elkarrizketak eta zuzeneko saio baten emisioa ardatz hartuta.

Emaitza historikoak, eskura

Aurten, berriz, planteamendu zabalagoa egin du Aiaraldeak udal-ordezkarien hautaketa prozesuari begira. Foru eta Udal hautagaiei idatzizko elkarrizketa egiteko gonbitea luzatu die lehenbizi, eta 25ek onartu dute proposamena. Bitartean, hauteskundeei begirako beste informazio iturri bat garatu du: eskualdeko udalerri guztietako emaitzak, 1979tik 2011ra. Aurkezpen dinamiko hori kontsultatzen duenak herria eta urtea aukeratu behar ditu emaitza guztiak aurkitzeko: zenbat boza eta zenbat udal ordezkari lortu zituen talde politiko bakoitzak.

25 hautagai, 25 kafe

Zerrendak aurkezteko epea igarota, talde-politiko guztiekin jarri zen kontaktuan Aiaraldea, hauteskundeei begira zuen planteamenduaren berri emateko eta honako proposamen hau luzatzeko: alkategai bakoitzarekin kafe bat hartzekoa.
25 alkategaik onartu zuten gonbitea, eta bideoak ari da Aiaraldea sareratzen, kafea hartu bitartean eginiko elkarrizketa horien grabaketekin, herri bakoitzeko bat.
Hortaz gain, datozen egunetan beste bideo batzuk plazaratuko ditu Komunikazio Leihoak. Lau kale-inkesta izango dira, zeinetan herritarrek honako galdera honi erantzungo dioten: “Zer egingo zenuke alkate izango bazina?”.

Jarraipena, aiaraldea.eus-en

Datorren maiatzaren 24an eskualdeko jarraipen berezia egingo duen komunikabide bakarra izango da Aiaraldea. Goizetik aurrera bozketen nondik norakoen berri emango du eta emaitzak jaso bezain laster sareratuko ditu aiaraldea.eus web-gunean eta Twitter eta Facebook kontuetan. Grafiko bereziak erabiliko ditu horretarako, eta arratsalde-gauak aurrera egin ahala boza gehien jaso duten hautagaiei momentuan eginiko elkarrizketak sareratuko ditu, herri bakoitzeko emaitzen analisiekin batera.

Biharamuneko egunkari berezia

Biharamunean, berriz, egunkariaren txanda izango da, hauteskundeek eskualdean utzitakoen berri emango zuen zenbaki berezia kaleratuko baitu Aiaraldeak. Emaitzen grafikoak, analisiak, garaileei eginiko elkarrizketak... jasoko ditu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa