Aiaraldeko Gure Hezkuntza Plataformak HTPk, Hezkuntza Plataformen Topaguneak, zabaldu berri duen “3. mailako azterketei planto” ekimena azaltzeko eskualdeko hitzaldia deitu du maiatzaren 13rako, asteazkenerako, arratsaldeko 18:00etan Laudioko Kultura Etxeko Arraño gelan.
HPTk Durangon larunbatean egin zuen agerraldi masiboan parte hartu zuten Airaldeko Gure Hezkuntza Plataformako kideek. “LOMCE aplikatzen ari dela ziurtatzeko, errebalidak jarri dituzte martxan: 3. mailako ebaluazio diagnostikoa inposatu zaigu; alegia, LOMCEren araberako lehenengo froga”adierazi zuten bertan.
“Jakin dezala Uriarte andreak, gu ere antolatzen hasiak garela eta froga hauei planto egingo diegula. Pilotajearen soinekoarekin mozorrotu nahi izan badituzte ere, LOMCEren aplikazioa da bete-betean” gaineratuz.
Santutxuko esperientzia
Antolatzaileak Santutxuko Karmelo Ikastola eta Briñas Eskolarekin jarri dira harremanetan egunotan publiko egin duten 3. mailako azterketari planto egiteko deialdian azaldu dezaten.
LOMCEren aurka eta Euskal Herrirako Hezkuntza Sistema propioa bidea egiteko xedea du Airaldeko Gure Hezkuntza Plataformak, eskualdeko hainbat ikastetxeetako norbanakoak, guraso, ikasle eta irakasleak, ari dira berton lanean hezkuntza komunitatean ekimen ezberdinak bideratzen.