Apirilaren 25ean, larunbata, Gure esku dago plataformak hainbat ekimen egingo ditu eskualdean. Erabakitze eskubidea ardatz, helburua ekainaren 21ean Euskal Herriko hiriburu desberdinetan egingo den nazio ekimenerako lanketa egitea izango da.
Lehenengo helmugara begira, oihal zatiak banatu dituzte, 20 pertsonako zati bat, ondoren herrietako ekimenetan batuko direnak. Oihaletan nahi adina marraztu ahal izango da. Partaideek euro bana ordaindu beharko dute.
Eskualdeko hitzorduak
Ekaineko deialdian oihalak batuko dira. Larunbaterako deialdiak hurrengoak dira: Orozkon 11:30ean taldeko argazkia. 12:00etan sarrera izango da plazan eta oihalak josiko dituzte, hautestontziak osatu eta dantza emanaldia egongo da.Gero argazkia egingo dute batera hautestontzi inguruan eta 14:30ean herri bazkaria.
Laudion, Herriko plazan hasiko da 11:00etan musika, 11:30ean txalaparta eta horren ostean aurkezpen txikia. Gero oihalak josiko dira. 12:00etan herri kirolak eta12:30ean Dantza taldeak. 13:00etan kalejira oihalekin, ttuntturro eta trikitixa.
Artziniegan frontoian 12:00etan Musika, erabakia ehuntzen bideo emanaldia eta oihalak bete eta josi.
Okondon antzeko egitaraua dute; plazan musika eta oihalak bete eta josi. Amurrion Herriko plazan jai eguna egongo da: musika, bertsoak, txistulariak, dantzak, margolari taldea eta josteko tailerra. Arrankudiaga-Zollon triki poteoa egingo dute Sagardotegi Eguna aprobetxatuz.