Astero bezala, aste-bukaerarekin batera zinema heltzen da eskualdera. Aste honetan bi herrik, bakarrik, baieztatu dituzte emanaldiak: Laudio eta Amurrio.
Birdman
Laudion, larunbatean, apirilak 11, Lanbide Heziketa Eskolan arratsaldeko 17:30ean eta 20:00etan, urte honetako pelikula onenetako bat: Birdman.
Riggan Thomson Hollywoodeko izar ohiak Broadway-en ikuskizun berria aurkeztea erabaki du, bere antzezle ibilbideari bultzada emateko asmoarekin.
Estreinaldi eguna iristear dagoenean obraren protagonista nagusia zauritu egingo da, bere ordez Mike Shiner aktorea kontratatu beharko duelarik.
Ikuskizunak dakarren arazoak gutxi ez eta Rigganek Laura andregaiari, errehabilitazio tratamendutik etorri berri den alabari, bere laguntzailea den Sami eta Sylvia emazte ohiari aurre egin beharko die.
Alejandro González Iñárritu zuzendari lanetan eta Michael Keaton aktore famatua protagonista gisa, komedia honek aurtengo Oscar sarietarako bederatzi izendapen lortu ditu: pelikula onenari, zuzendari onenari, gidoi onenari eta aktore nagusi onenari, besteak beste.
Irakurri Txetu Urkijok idatzitako zinema proposamena hemen.
Geu, Ertamerikako emakumeok
Laudion ere, baina astelehenean, apirilak 13, Kultur Etxeko Arraño Aretoan arratsaldeko 18:30etan, dokumental hunkigarri baten inguruko zine-foruma: Geu, Ertamerikako emakumeok.
Zinema emanaldiaz gain, ondoren Melba Reyes-ekin solasaldi bat egingo da. Hondurasen, ertamerikan, jaioa, ekonomia feministan prestakuntza prozesuen koordinatzaile pedagogikoa izan da MER sareak duen Honduraseko esparru nazionalean. MER sarea, bizitza duin baten alde erresistentzian dauden ertamerikako emakumeen mugimendua da, Chiapasetik Panamara doana.
Herrialde pobreagoetan emakumeen egoera larria ezagutzeko aukera.
Home
Amurrion, igandean, apirilak 12, arratsaldeko 17:30ean, ohi den moduan, etxeko txikinei zuzendutako pelikula bat. Igande honetan, Dreamsworks-en azken lana: Home.
Filmean estralurtar batzuek Lurra inbaditu eta haien arerio handienarengandik ezkutatzeko erabiliko dute. Alabaina, estralurtarretako batek oharkabean bere kokalekuaren berri emango die, eta ihes egin beharko du.
Nerabe batekin egingo ere, eta hala, abentura komikoa abiatu munduan zehar egindako hutsak konponduko baditu. Orduan ohartuko da estralurtar heroia benetan gizakia zer den.
Dibertigarria eta atsegina jatorrizko bertsioan Rihanna abeslari famatua protagonista duen animaziozko film bat.
Cincuenta sombras de Grey
Amurrion ere, igandean, apirilak 12, arratsaldeko 19:30ean eta astelehenean, apirilak 13, 20:00etan, ohi bezala Amurrioko Antzokian, urte honetan gehien espero izan diren pelikulen artean ikusmin handiena sortu duen filma: Cincuenta sombras de Grey.
Anastasia Steele Literatura ikasleak Christian Grey enpresari gazte arrakastatsuari elkarrizketa egiteko mandatua jasotzen duenean gizon erakargarri, seduktore eta erabat intimidatzailearekin topatzen da.
Hunkiturik emakume esperientzia-gabe eta inuzenteak gizona ahazten saiatzen da, baina laster duen desioa oso handia dela ohartzen da. Azkenean bikoteak erlazio sutsua hasten duenean Anastasiak Grey-ren praktika erotiko bereziak ezagutuko ditu, aldi berean bere limite eta desiorik ilunenekin topatuko delarik.
Sam Taylor Wood-en zuzendari lanetan eta Jamie Doman eta Dakota Johnson protagonista direla, heltzen da gurera E. L. James-en liburu famatuen zinemarako moldaketa.
Fitxa teknikoak
Zuzendaria: Alejandro González Iñárritu
Gidoilaria: Alejandro González Iñárritu, Nicolás Giacobone, Alexander Dinelaris eta Armando Bo
Aktoreak: Michael Keaton, Zach Galifianakis, Edward Norton, Emma Stone,…
AEB, 2014. 119 minutu.
Zuzendaria: Unai Aranzadi
Gidoilaria: Unai Aranzadi
Musika: Neosounds Ltd
Euskal Herria, 2011. 29 minutu.
Zuzendaria: Tim Johnson
Gidoilaria: Tom J. Astle, Matt Ember eta Adam Rex (liburua)
Aktoreak: Jim Parsons, Rihanna, Steve Martin,…
AEB, 2015. 94 minutu.
Zuzendaria: Sam Taylor Wood
Gidoilaria: Kelly Marcel eta E.L. James (liburua)
Aktoreak: Dakota Johnson, Jamie Dornan, Jennifer Ehle,…
AEB, 2015. 125 minutu.