Amurrio-Aiaraldeko RASD elkarteak “Piztu Itxaropena” XI.Euskal Karabanaren emaitza aurkeztu du. Antolatzaileek adierazi dutenez Aiaraldeak 3.800 kilo janari biltzea lortu du, iaz baino pixka bat gutxiago. Hala eta guztiz ere, egungo krisia eta herritarrek bestelako proiektuei egiten dizkieten ekarpenak aintzat hartuta oso positiboki baloratu dute emandako erantzuna.
Egitasmoaren antolatzaileek esan dutenez, otsailaren 21ean 300 tona elikagai bidali zituzten Donostiatik Saharara bost trailer eta hiru kamioietan. Horregatik, saharar herriari adierazitako elkartasuna eskertu dute, pertsona errefuxiatuen bizi baldintzak hobetzeko egindako ekarpenak barne. Tindufeko errefuxiatuen kanpamenduei (Aljeria) elkartasuna adierazteko urtero egiten duten ekimena da honako hau, helburua ahalik eta elikagai gehien eramatea izanik. Kanpamentuek pairatzen duten “janari urrialdi larriari laguntzeko” ekimena dela adierazi zuen Iheslarientzako Nazio Batuen Goi Mandatariak (UNHCR).
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide