Aste Santua futbolaz josita dator gure eskualdera. Laudio eta Amurrioko futbol taldeek txapelketak antolatu dituzte asteburuan zehar gaztetxoenentzako.
Apirilaren 3an, ostirala, hasiko da CD Laudiok antolatutako Aste Santuko futbol txapelketa. Iganderarte luzatuko da lehia eta aste bukaera osoan zehar Laudioko San Martin zelia futbol eta giro onez beteko du. Partidak 12 minututako bi denboraz egongo dira mugatuta.
Ostiralean 2005 eta 2006 urteetan jaiotako gaztetxoek parte hartuko dute. Goizeko 9:30tan hasiko dira partidak eta arratsaldeko 17:00etan jokatuko dira kategoria horretako finalak.
Hurrengo egunetan 2003 eta 2004 ureetan jaiotako kimuen txanda izango da. Larunbatean kanporaketa fasea jokatuko da goizeko 9:00etatik aurrera; igandean, aldiz, final aurrekoak eta finalak jokatuko dira txapelketaren irabazlea erabakitzeko.
Euskal Herriko futbol talde ugari bertaratuko dira Laudiora asteburuan zehar, Loiola Indautxu, Baskonia F.E., Gernika, Etorkizuna, Gallarta, Aurrera de Vitoria, Sestao, Ermua, Indarra, Astrabudua, Lanbide, Peña Galdames, Lemoako Harrobi, Atxulaur eta Ugao besteak beste
Bien bitartean, Amurrioko Kaskagorri futbol taldeak umeentzako futbol 11 txapelketa antolatu du apirilaren 4 eta 5ean, "Amurrio hiribildua" izenpean. Txapelketaren 16. edizioa izango da aurtengoa eta Amurrioko El Refor zelaian jokatuko da goizeko 9:45etatik aurrera.
Txapelketan eskualdeko futbol taldeen presentzia egongo da, bertan CD Laudio eta CD Urduñak AD Kaskagorrirekin batera parte hartuko dute. Eskualdetik kanpo talde ugari bertaratuko dira, Sestao River eta CD Ariznabarra besteak beste.
Aste Santuko futbol txapelketekin jarraituz, apirilaren 5ean, igandea, eskualdeko CD Urduña eta Atxulaur taldeetako kadete mailek Haroraino bidaiatuko dute "XX Torneo Haro capital del Rioja" txapelketan parte hartzeko.