aiaraldea.eus

Korrika, Gorostiaga, Amurrio Trail Taldea eta Madalenako auzolana, egunkariko protagonista

Erabiltzailearen aurpegia Erredakzioa  Aiaraldea

Inprimategian dago jada Aiaraldea Egunkariaren 31. alea. Aurreko astean argitaratutako zenbaki bereziari jarraiki, egunkari honetan ere Korrika izango da protagonista nagusia. Korrikak Aiaraldean utzi dituen irudien bilduma bat topatuko du irakurleak egunkariaren erdiko orrietan.

Baina bestelako gaiak jorratzeko ere egongo dira orrialdeak. Pablo Gorostiaga eta Patxo eta Isidro Murgaren egoera izango da gai horietako bat, Gorostiagari eginiko elkarrizketa oinarri hartuta.

Inprimategian dago jada Aiaraldea Egunkariaren 31. alea. Aurreko astean argitaratutako zenbaki bereziari jarraiki, egunkari honetan ere Korrika izango da protagonista nagusia. Korrikak Aiaraldean utzi dituen irudien bilduma bat topatuko du irakurleak egunkariaren erdiko orrietan.

Baina bestelako gaiak jorratzeko ere egongo dira orrialdeak. Pablo Gorostiaga eta Patxo eta Isidro Murgaren egoera izango da gai horietako bat, Gorostiagari eginiko elkarrizketa oinarri hartuta.

Kirolaren atalean, berriz, Amurrioko Trail Taldearen nondik norakoak azalduko dituen artikulua izango da nagusi. Hortaz gain, espazioa egongo da baita Iñaki Isasik Aiarako Biraren inguruan idatzi duen artikuluarentzat.

Kultura txokoan, aldiz, Janire Usategui argazkilari amurrioarrari eginiko elkarrizketa irakurtzeko parada egongo da, beste hainbat gaien berri jasotzearekin batera.

Jendartearen atalak Arrankudiaga-Zollora eramango gaitu, Madalena Baseliza berreraikitzeko egindako auzolanera. “Herriz-herri” atalean, berriz, azken asteetan eskualdean eman diren albisteen berri jaso ahal izango du irakurleak. Bukatzeko, Urduñako Aste Santuko prozesioak antolatzen aritu izan ohi den kide bati eginiko elkarrizketa irakurtzeko parada egongo da.

Zutabeetan honako aiaraldear hauek plazaratuko dute euren iritzia: Txema Urkijo, Mikel Kormenzana, Jonatan Moreno, Edorta Moreno, Patxi Iturregi eta Ainhoa Comas.

Ohikoan bezala, bihar goizean goiz ekingo zaio egunkariaren banaketari, eskualdeko geltoki, taberna, saltoki, eskola zein bestelako guneetan.

Hurrengo zenbakia, apirilaren 16an

Aste Santuko oporrak direla eta, egunkariaren hurrengo alea aste bat beranduago argitaratuko da, apirilaren 16an (osteguna).

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa