AEK-k aurtengo korrikaren ibilbide osoa sareratu du dagoeneko, hemen sakatuz ikusgai dago.
Urepeletik abiatuko da martxoaren 19an arratsaldeko 17:00etan. Hurrengo egunean Hegoaldera helduko da eta Iruñea gurutzatuko du.
Aiaraldeari dagokionez, martxoaren 25ean izango da Korrikaren bisita. Bizkaiko kostaldea zeharkatu ostean Ezkerraldean barneratu eta handik Enkarterrira zuzenduko da.
Hortik Okondora joko du gaueko 02:30ean eta gero Laudio, Aiara, Urduña eta Amurriotik pasako da Araban murgiltzeko. Herriak korrikalariz beteko dira eta aiaraldea.eus-ek jarraipen berezia egingo dio euskararen erabilera sustatzeko helburua duen ekimenari.
Eskualdeko herri ugari ez ditu igaroko Korrikak, Arrankudiaga-Zollo, Arakaldo, Artziniega eta Orozko, alegia. Artziniega eta Orozkoko kasuetan bigarren aldiz jarraian geratuko dira Korrikaren bisitarik gabe bertako euskaldunak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide