Emakumeen nazioarteko eguna dela hainbat ekintza gauzatuko dira eskualdean. Udalek eta elkarte ugarik osatutako egitarauetan hitzordu ezberdinak jaso dituzte.
Berez ekintza batzuk egin badituzte ere -Okondon adibidez internet erabileraren inguruko ikastaroa egin dute- gehienak hurrengo egunetan izango dira eta hilabetea bukatu arte luzatuko dira.
Elkarretaratzeak
Berdintasuna aldarrikatzeko mobilizazioak egingo dituzte Martxoaren 8an. Laudion 13:00etan izango da Herriko Plazan eta Artziniegan ordu berean frontoian, Amurrion 13:30ean Juan Urrutia plazan, Okondon 14:00etan El Meson-en, Orozkon 17:30ean udaletxe aurrean eta Urduñan 19:00ean udaletxe aurrean ere.
Bilboko manifestazioa
Arrankudiaga-Zollon kontzentrazioa egin ordez Bilbon mugimendu feministak antolatuko duen manifestazioan parte hartzeko deia egin dute.
Arrankudiaga-Zolloko udalak bi adierazpen instituzional onartu ditu. Alde batetik udal gobernu taldeak proposatutakoa eta bestetik EAJk aurkeztutakoa.
Adin guztientzako hitzorduak
Elkarteek eta udalek adin guztiak aintzat hartu dituzte egitaraua osatzean. Umeek txotxongiloak izango dituzte edo berdintasun tailerretan parte hartzeko aukera emango diete, Amurrion, Artziniegan edo Orozkon, besteak beste.
Kultura eta aisialdia
Kultura eta aisialdiak protagonismo berezia izango dute. “Busco novio formal que marido ya tuve” bakarrizketa Laudion eta Aiaran eskainiko dute. Okondon ere “Las chicas serias no gustan” bakarrizketa antolatu dute.
“Siempre Alice” pelikula ere Laudion eta Amurrion igorriko dute eta horretaz gain “Amaren eskuak” filma emango dute Orozkon, guztiak Martxoaren 8an. Artziniegan eta Okondon ere zineforumak antolatuko dituzte, “El pico de las viudas” eta “Little Miss Sunshine” filmeak emanez, hurrenez hurren.
Horretaz gain hainbat ikastaro prestatuko dira autoestima, autodefentsa edo berdintasuna lantzeko.
Kirolak ere tartea izango du. Berdintasunaren ibilbidea egingo baitute martxoaren 21ean Amurrion.
Toti Martinez de Lezea
Toti Martinez de Lezeak bi ekitalditan parte hartuko du egun berean Amurrion. Martxoaren bukaeran izango da, 26an hain zuzen, liburutegian. Umeentzako emanaldia 18:00etan izango da eta 18:30ean helduentzako hitzaldia izango da.
Topaketak
Martxoak 8 dela eta hainbat bazkari antolatuko dira. Urduñan bi egingo dituzte. Loraldi elkarteak Llarena jatetxean antolatutakoa martxoaren 6an eta Adi Emakume Elkarteak deitutakoa Mariaren Lagundian martxoaren 14an.
Okondon Martxoaren 8an izango da 14:30ean El Meson-en eta Artziniegan egun berean Batzokian 15:00etan.
Luiaondo ere bazkaria egingo dute Gizarte Etxean 14:30ean eta 17:00etan antzezlana ikusteko aukera izango dute.