Balore Merkatuaren Batzorde Nazionalak igorritako informazioaren arabera, Tubacex enpresa airaldearrak 2014 urtean zergen ordainketa aurreko 32,6 milioi euroko mozkinak izan zituen, 2013an izandakoaren %96,6 gehiago.
Iaz enpresaren finantza zorra 43 milioi eurotan murriztu zuen eta Esplotazio Emaitza Gordina (EBITDA) 64,1 milioi euroko izan zuen, 2013an baino %25,1 gehiago alegia.
Munduan lider
Datu horiekin, Tubacexek bere Plan Estrategikoaren lehen zatia amaitutzat eman du eta bigarrena abian jarri duela iragarri du, enpresaren handitzea helburu duelarik; izan ere, Italiako IBF eta Indiako Prakash enpresak eskuratu eta gero, soldadurarik gabeko hodi herdoilgaitzen fabrikazioan mundu mailako ekoizlerik handiena bilakatu da enpresa aiaraldearra.
Aipatutako lantegiez gain, Austria, Estatu Batuetan edota Txinan ere presentzia duen taldea baita.
Krisitik indartuago ateratzea helburu
Jesus Esmoris, Tubacexeko kontseilari delegatuaren hitzetan “emaitza positiboak lortu dira, merkatua aldekoa izan ez bada ere”, aurrerantzean ere merkatuan zailtasunak ikusten baditu ere “krisitik indartuago” ateratzeko itxaropentsu agertu da kontseilari delegatua “2015eko merkatua ere zaila izango dela “aitortzen badu ere.