Astero bezala, aste-bukaerarekin batera zinema heltzen da gure eskualdera. Herri guztietan zinema emanaldiak ez badira ere, aste honetan bi herrik, bakarrik, baieztatu dituzte emanaldiak: Laudio eta Amurrio.
Barbacoa de amigos
Laudion, larunbatean, otsailak 28, Lanbide Heziketa Eskolan arratsaldeko 17:30tan eta 20:00tan, Frantziatik heltzen den komedia familiar dibertigarri bat: Barbacoa de amigos.
Bere 50. Urtebetetzean, Antoinek ezusteko opari bat jasoko du: bihotzeko bat. Medikuak diotenez, momentu horretatik aurrera bere osasuna eta egunerokoa zaindu beharko luke bere bizitza luzatzeko.
Baina, Antoinek bere bizitz aosan zehar horixe bera egin du; bere osasuna zaindu, eguneroko lasai bat eraman. Orain, argi dauka zer egin behar duen, behingoz eta betirako bere bizitza aldatu, benetan bizitzen hasi.
Friends: abentura munstroen uhartean
Laudion ere, igandean, marxtoak 1, Lanbide Heziketa Eskolan arratsaldeko 17:30tan, etxeko txikinei zuzendutako euskarazko zinema emanaldia: Friends: abentura munstroen uhartean.
Itsas zabalean, lainopean, ba omen da munstro-familia bat bizi den uharte misteriotsu bat. Erabat debekatuta dago bertara hurbiltzea. Behin, ordea, Kotake izeneko gizaki-mutiko bat uhartera bertaratu zen eta ustekabean izaki misteriotsu batzuekin egin zuen topo. Kotakeren etorrerak izua zabaldu zuen uhartean, izan ere, gizakiek egundoko izu-ikara eragiten baitzieten uharteko munstroei. Hori zela eta, Naki suminkorraren ardurapean utzi zuten mutikoa.
Hasieran, Naki eta Kotake ez ziren bata bestearekin ondo moldatzen, baina elkarrekin denboraigaro ahala, azkenean lotura hautsiezina eratu zen bien artean. Bi horiek gorabehera, ezinezkoa zen gizakiak eta munstroak elkarrekin bizitzea eta agur esateko une tristeak noizbait iritsi behar zuen. Hala ere, bien arteko adiskidantza gailenduko ote zaio munstroak eta gizakiak ezin direla elkarren adiskide izan dioen tabuari?
Abenturaz beteriko pelikula entretenigarri bat.
Las ovejas no pierden el tren
Amurrio, igandean, martxoak 1, arratsaldeko 19:30tan eta astelehenean, martxoak 2, 20:00tan, ohi bezala Amurrioko Antzokian, espainiar komedia dibertigarri bat: Las ovejas no pierden el tren.
Luisa eta Alberto bikoteak landa-gunera joatea beste irtenbiderik ez dute izan, baina laster hango bizimodu idilikoaren aurpegirik txarrena ezagutuko dute. Bikotea une oso gozoa bizitzen ari ez den arren, Luisak bigarren semea nahi du kosta ala kosta, nahiz eta horretarako bidea sexu hotz pentsaezina izan.
Landa zapaltzeko asmorik ez duena Juan da, Albertoren anaia. Unerik onena igarotzen ari ez den 45 urteko kazetaria Natalia, 25 urteko gaztearekin dabil. Bien bitartean, Sarak, Luisaren arrebak, bere antsietatea gizonekin baretzen jarraituko du, Paco izeneko kirol-kazetaria ezagutu arte. Berekin ezkonduko dela uste du...
Raul Arévalo eta Inma Cuesta dira komedia erromantiko honen protagonistak, zineman ondo pasatzeko aukera on bat.
Fitxa teknikoak
Zuzendaria: Eric Lavaine
Gidoilaria: Héctor Cabello Reyes eta Eric Lavaine
Aktoreak: Lambert Wilson, Franck Dubosc, Florence Foresti,...
Frantzia, 2014. 98 minutu.
Friends: abentura munstroen uhartean
Zuzendaria: Takashi Yamazaki
Gidoilaria: Takashi Yamazaki
Aktoreak: Sadao Abe, Shingo Katori, Seishirô Katô,…
Japonia, 2011. 87 minutu.
Zuzendaria: Álvaro Fernández Armero
Gidoilaria: Álvaro Fernández Armero
Aktoreak: Raúl Arévalo, Inma Cuesta, Alberto San Juan,…
Espainia, 2015. 103 minutu.