Astero bezala, aste-bukaerarekin batera zinema heltzen da gure eskualdera. Herri guztietan zinema emanaldiak ez badira ere, aste honetan bi herrik, bakarrik, baieztatu dituzte emanaldiak: Laudio eta Amurrio.
La sal de la tierra
Laudion, larunbatean, otsailak 21, Lanbide Heziketa Eskolan arratsaldeko 17:30tan eta 20:00tan, Wim Wenders zuzendariaren azken dokumentala: La sal de la tierra.
Azken 40 urteetan, Sebastião Salgado argazkilariak bizitza osoa kontinente batetik bestera bidaiatzen eman du, etengabe aldatzen joan den gizadiaren pausoei jarraituz.
Azken urteetako historiako gertakari garrantzitsuenetariko batzuen lekukoa izan da: nazioarteko gatazka, gosete eta exodo askorena. Orain, gizakien esku-hartzerik gabeko lurraldeak, flora eta fauna basatiak eta egundoko paisaiak dauzkaten lurraldeak, bilatzen aritzea erabaki du, gure planetaren edertasunari omenaldia egiten dion argazkilaritza-proiektu erraldoi baten barnean.
Sebastião Salgadoren bizitza eta lana azken bidaietan lagun izan zuen semeak, Julianok, eta argazkilari ere baden Wim Wendersek ezagutaraziko dizkigute.
Noche en el museo: El secreto del Faraón
Amurrion, igandean, otsailak 22, arratsaldeko 17:30tan, ohi den moduan, etxeko txikinei zuzendutako zinema emanaldia: Noche en el museo: El secreto del Faraón.
Noche en el Museo pelikularen hirugarren zatia.
Oraingoan Londreseko Britainiar Museoko Egiptori eskainitako gunean izandako gertakizun tamalgarria ikertu beharko du.
Ben Stiller berriro buru Londreseko museoak bere erakusketan dituen pertsonai ezberdinak protagonistak dituen komedia dibertigarri honetan.
The imitarion game
Amurrion ere, igandean, otsailak 22, arratsaldeko 19:30tan eta astelehenean, otsailak 16, 20:00tan, ohi bezala Amurrioko Antzokian, aurtengo Oskar sarietako protagonista bat: The imitarion game.
Lapurreta bat dela eta 1952ko neguan britainiar autoritateek Alan Turing matematiko, analista eta heroiaren etxean sartzen dira. Homosexuala dela egotzita Alan txilotu egingo dute. Ofizialek gaur egungo informatikaren sortzailea atxilotzen ari direla ez dakite.
Bigarren Mundu Gerratean Alanek gidatzen zuen akademiko, linguista, xake txapeldun eta inteligentzi ofizial talde batek alemaniarrek asmatu zuten Enigma makinaren kodigoa deszifratzea lortu zuen.
Benedict Cumberbatch eta Keira Knightley dira istorio hunkigarri eta interesgarri honen protagonistak. Azpimarratzekoa Cumberbatch-en lana, aurtengo Oskar sarietarako izendapena lortu duena, pelikula berak bezala.
Fitxa teknikoak
Zuzendaria: Wim Wenders eta Juliano Ribeiro Salgado
Gidoilaria: Juliano Ribeiro Salgado, Wim Wenders eta David Rosier
Aktoreak: Sebastião Salgado
Frantzia, Brasil eta Italia, 2014.109 minutu.
Noche en el museo: El secreto del Faraón
Zuzendaria: Shawn Levy
Gidoilaria: David Guion eta Michael Handelman
Aktoreak: Ben Stiller, Robin Williams, Owen Wilson,…
AEB, 2014. 98minutu.
Zuzendaria: Morten Tyldum
Gidoilaria: Graham Moore eta Andrew Hodges (liburua),
Aktoreak: Benedict Cumberbatch, Keira Knightley, Matthew Goode,…
Erresuma Batua, 2014. 114 minutu.