Euskadiko Futbol Federakundeak deitua greba egingo dute asteburuan. Euskal Herriko futbol taldeak ez dira lehiatuko Espainiako Gobernuak ezarritako lege berrien aurrean presioa egiteko asmoarekin.
Futbol Federakundearen hitzetan greba oinarri eta amateur futbolaren defentsan deitzen dute. Argitaratutako dokumentuan azaltzen dute hainbat direla greba deitzeko arrazoiak, besteak beste Espainiar Gobernuak aplikatutako neurri fiskal berrien kontra protestatzea.
Legedi berriaren arabera futbol klubekin harremana duen pertsona oro lan kontratu bat izatera eta gizarte segurantzan kotizatzera behartuta dago.
Horren aurrean federakundeak erregulazio propio eta espezifiko bat eskatzen du futbol "ez-profesionalean" dihardutenentzat.
Greba 3. mailatik kadete mailarainoko kategoria guztietan dago deitua. CD Orduñak eta CD Laudiok bat egin dute grebarekin eta asteburu honetako partiduak atzeratuak izango dira.
Bigarren asteburua da hau Arabako kategoria federatuetan partidarik jokatu gabe. Aurreko astean elurteak eragin zuen partidak bertan behera uztea.