Bihar argitaratuko da Aiaraldea Egunkariaren 28. alea. Ale ikusgarria izango da, hitzaren zentsurik literalenean: iragan asteko elurteak utzitako irudiak izango baitira protagonista.
Hiru orri izango ditu elurtearen harira prestatutako erreportajeak. Baina egongo da bestelako gai batzuentzako tartea ere: Kulturan Aimara antzerki taldea gertuagotik ezagutzeko aukera egongo da; eta kirolean Zaraobe Saskibaloi Kluba izango da protagonista, 30 urte bete baititu. Sozio-ekonomiaren atalean, berriz, Tomas Acha SLrekin egondako gatazkaren ondorioz kartzela zigorrera kondenatutako ELAko militanteen afera jorratuko da.
Herriz-herrikako atalean Inauteriek hartuko dute garrantzia: Herri guztietako egitarauak, orri batean konprimituak.
Kolaboratzaileei dagokionez, honako hauek egongo dira iritzi zutabeetan: Norberto Aldaiturriaga parlamentaria, Juan Luis España CC.OOko kidea, Gaizka Barañano lasterkaria, Mikel Ayllon idazlea, Juan Manuel Etxebarria irakaslea eta Miren Ayesa kazetaria. Txetxu Urkijoren zinema zutabea eta Gorka Belaskoren komikia ere topatu ahal izango dira egunkarian.
Bukatzeko, Juan Jose Arto Rodriguezi (Pelukas) eginiko elkarrizketa egongo da irakurgai, azken orrian.
Ohikoan bezala, goizean goiz hasiko dira Aiaraldea Komunikazio Leihoko boluntario eta langileak egunkaria banatzen, eskualdeko geltoki, saltoki, eskola, kultur-gune eta abarretan.