Iragarpena betez elurrak Aiaraldea estali du. Leku batzuetan gehiago nabari da bere eragina, Okondoko eskolan, adibidez, elektrizitaterik gabe daude. Arrankudiaga-Zolloko ikastetxean Eguen Zuria zer den azaltzeko hitzaldia bertan behera utzi dute, ikasle asko ez baitira joan.
Artziniegan goiz hasi dira lanean makinak bideak garbitzeko eta Menagarain elurra kentzeko makinak lan handia izan du.
Horren aurrean zenbait udalak bitarteko gehiago jarri dituzte arazoak ekiditeko. Amurrioko Udalak 24 pertsona bideratu ditu lehentasunezkotzat jo duten zenbait eremu garbitzeko.
Laudion antzeko gauza egin dute. Lehentasuna eman diote anbulatorioari, oinezkoentzako pasabideei, ikastetxeen sarrerei, zubiei eta 3 makina daude landa eremuko bideak.
Laudioko udaleko garbiketa zerbitzuan dauden beharginak goizago hasi dute lana eta egun osoan arituko dira. Asteburuan ere lan egingo dute. Lorezaintza zerbitzuko langileak ere garbiketara bideratu ditu Laudioko Udalak.
Autoa ahal den neurria ez erabiltzea eskatu dute.
Astelehen eta asteartean izotz arriskua
Laudioko udalak iragarri du hurrengo asteko hasierak, astelehena eta astearte bereziki, ahalegin berezia eskatuko duela.
Gatza prest dauka udalak -10 tona, alegia- tenperaturak asko jaitsiko direla iragarri baitute (-8 gradu kasu batzuetan).