Gaurko eguraldia petrala izan arren atzokoa baino leunagoa izaten ari da. Hala ere, euria txingorra eta elurra agertu dira eskualdean.
Dena den, bihar eguraldia zakartuko da, tenperaturak -2 eta 2 artean mugituko dira. Elur-kota 100 metrotan mantenduko da eta egun osoan prezipitazioak aurreikusi dituzte Euskalmet zein Aemet zerbitzuek. Arratsaldean apur bat igo daiteke elur-kota.
Larunbatean denboraleak amore emango du pixka bat. Giro hotzak jarraituko du eta egunaren lehen partean, batez ere goizaldean, zertxobait prezipitatuko du. Elur-maila 0-100 m artean egongo da, baina egunak aurrera egin ahala, gero eta prezipitazio gutxiago espero dira. Tenperaturan aldaketarik nabarmendik ez, termometroa -1 eta 2 graduren artean egongo dela iragarri dute.
Segurtasun neurriak
Denboraleari aurre egiteko zenbait erakunde abian jarri dira. Artziniegako Udalak bandoa banatu du herritarrei eskatzeko ahalik eta gehien murritzeko haien bidaiak.
Arabako Foru Aldundiak eskola kirola txapelketak bertan behera utzi ditu asteburuan. Horren ondorioz Laudio Ikastola Krosa ez dute jokatuko. Antolatzaileek ez dute zegaztu noiz lehiatuko den.
Bestalde, Amurrioko Udalak talde berezia jarri du lanean bideen egoera egokia eta osasun-zerbitzuak bermatzeko, besteak beste.
Atzo eskualdeko hainbat lekutan elektrizitatea eten zen arratsaldean: Amurrio, Laudio, Artziniega...