Euskalmetek egindako eguraldi iragarpenaren arabera, gaur goizean 100 metrora jaitso da elur-kota, eta bihar ere berdin mantenduko da. Hortaz gain, meteorologi agentziak adierazi du gaur trumoi-ekaitzak egon daitezkeela eta ipar/ipar-ekialdeko haize bizia ibiliko dela. Tenperatura apur bat jaitsiko dela gaineratu du iragarpenak, eta izotz txiki-handia egingo duela. Gaurko tenperatura minimoa 2 gradu zero azpitik izan da, eta maximoa aldiz 5 gradukoa.
Bihar, aldiz, zerua oso hodeitsu egongo da. Prezipitazio txiki-ertaina egingo du, bereziki mendebaldean eta arratsalde partean. Trumoi-ekaitzak izango dira eta txingorra ere egingo du. Elur-kota 100 metrotan mantenduko da -gaur bezala-, eta noizbehinka itsasmailara jaitsiko da, bereziki ekialdean. Iparraldeko haize ahul-bizia ibiliko da. Tenperatura gutxi edo nahikoa jaitsiko da ( 0 gradu txikiena, eta 4 gradukoa maximoa). Izotz txiki-handia egingo du.
Ostiralean aldiz tenperatura minimoak behera egingo du, zero azpitik 4 gradukoa izateraino, eta maximoa aldiz 1º-koa izango da.