Hauteskunde sindikalek hiru hitzordu izan dituzte eskualdean, Amurrio Ferrocarril, Guardian eta Tubacex enpresetan hain zuzen eta otsailean Nubiolan eta Megatechen jarraituko dute.
Aldaketa garrantzitsuenak Tubacex enpresan eman dira. ELAk hirukoiztu du bere presentzia, 4 ordezkari bazituen 2011n, orain 12 izango ditu. STAT-ekin berdindu du, horiek 11 ordezkaritik 12 izatera igaro dira. USO aurreko langile batzordean ez zegoen eta orain 5 ordezkarirekin arituko da eta CCOOk ordezkari bat gehiago lortu du, 8 guztira. Gainera, lehen ordezkari independenterik ez bazegoen, orain bat egongo da. Emaitza okerrenak LAB eta UGT sindikatuentzat dira. LABek 7 ordezkari galdu ditu, bakarrarekin geldituz, eta UGTk zuenari ere agur esan dio, ordezkaritzarik gabe geratu delarik.
Amurrio Ferrocarrilen egoera ez da gehiegi aldatu, LAB 4, eta ELAk 3 ordezkariekin jarraitzen duelarik. Aldaketa UGT sindikatuan eman da, bikoiztu du bere ordezkaritza bakarretik bira pasatuz. ESK erakundea ordea langile batzordetik kanpo geratu da.
Guardian enpresan ordezkari independenteak desagertu dira langile batzordetik. 2011. urtean 7 ziren. Hala ere ordezkari gutxiagok osatzen dute batzordea. ELAk bi gehiago eskuratu eta 8 izango ditu, LABek bat gehitu du eta 3 izango dira eta UGT eta CCOO erakundeak lehen bezala geratu dira, ordezkari bana izango dutelarik, hurrenez hurren.