Jaitsi egin da langabezia Euskal Autonomi Erkidego mailan. Duela urte bat baino 1.603 langabetu gutxiago daude. %0.96ko jaitsiera egon dela esan nahi du horrek.
Aiaraldean, baina, ez da langabeziaren joera aldatu: 2013ko abenduan 3352 langabetu zeuden. 2014a, baina, 3428 langabeturekin itxi zuen Aiaraldeak, %2.2 gehiago.
Gakoa, Amurrio eta Laudion
Datuak banan-banan hartuta, baina, ezberdintasunak topatu daitezke herrien artean. EAEko langabezi tasa %15.3koa da. Aiaraldeko herri gehienek tasa txikiagoa dute: Arakaldok %11.1koa du, Arrankudiagak %9.7koa, Urduñak %13.5koa, Okondok %10.7koa, Aiarak %10.1koa eta Artziniegak %12.1koa. Orozkok du baxuena, %8.
Eskualdeko bi herri handienetan, baina, erkidegoko bataz-bestekoa baino altuagoa da tasa: Amurrion %17koa da eta Laudion %19.1koa.
Langabetu gehienak zerbitzuen alorrekoak dira. Bigarren maila batean daude industriakoak, hirugarren maila batean aurretik lanik izan gabekoak, laugarren maila batean eraikuntzan aritzen direnak eta bostgarren maila batean nekazaritzatik datozenak.