Gaur 38 adintxiki heldu dira Errusia eta Bielorrusiatik Loiuko aireportura. Bikarte Elkarteak Araba, Bizkaia eta Gipuzkoako sendiekin harremanetan jarri da gazteek Gabonak EAEn igaro ditzaten.
Bikarteren helburua da “inguru kutsatuetan eta muturreko klimadun eskualdetan, umezurztegi edo familia desegituratuetan bizi diren ume hauen osasun eta garapenean onura” eragitea.
Horretarako elkartetik deialdia zabaldu dute udan ere familiek Bielorrusia eta Errusiako neska-mutilak har ditzaten. Hilabetea Euskal Herrian eman ez ezik, Bikartek bilatzen du euskal familien eta gazteen artean ere harremana sustatzea, postaz eta telefonoz harremana mantendu dezaten harrera errepikatzeko.
30 harrera gehiago lortu nahi dituzte hurrengo udan eta 70 errepikatzea, guztira 100 gazte ekarri nahi dituztelarik.
Elkartasun ekimenean parte hartzeko 658 71 35 52 (Araba) 605 70 90 19 ( Bizkaia) deitu dezakete interesdunek edota bikarte@yahoo.es posta elektronikoa erabili; www.bikarte.com web orrialdean eta facebooken informazio zehatzagoa dago eskura. Aiaraldean ere taldea dauka Bikarte elkarteak.