Igandean izango da Aiaraldea Komunikazio Leihoak sortu duen "Ene begiak eme" ikuskizuna. Guztira, eskualdeko 40 pertsona taularatuko ditu emanaldiak, eta arte diziplina ezberdinak uztartuko ditu. Generoaren eraikuntza eta deseraikuntza izango ditu ardatz, emakumeek bizi dituzten egoera ezberdinak oholtzaratuz. Besteak beste, ipuin musikatuak, antzerkiak, dantzak eta zuzeneko musika emanaldiak izango dira.
Partaideak
Ikuskizunean Nerea Puentek, Esti Bilbaok, Igor Arzuagak, Enartze Larrakoetxeak, Ane Barrenengoak, Mari Garamendik, Libe Kerrumek, Yogurinha Borovak, Aritz Bengoak, Ainhoa Barbarak, Ander Gotik, Nerea Iglesiasek, Maite Vegak, Marta Mateosek, Ziortze Galdosek, Uluka taldeak, Jabi Isasik, Jessi Picatostek, Leire eta Zala Sanjurjok, Igor Ortizek... hartuko dute parte.
Sarreren zozketa
Sarrerek 3 euro balioko dute eta Amurrioko antzokian egongo dira salgai 18:00etatik aurrera. Facebook eta twitter sare sozialetan emanaldiaren kartela partekatzen dutenen artean lau bina sarrera zozketatuko dira abenduaren 12an.