Gaur hasita eta igandera bitartean Ardoaraba Azoka egingo da Gasteizeko Bastiturri plazan. Bertan presentzia izango dute gure eskualdeko upeltegiek, Aiaraturren eskutik.
Asteburu honetan Gasteizek Arabako ardoen azoka nagusia hartuko du, Ardoaraba izenekoa. Azoka 2002. urtetik egiten da eta estatuko iparraldean ardoaren munduaren inguruko ekitaldi nagusietako bat da. Ardoaren kulturako zabaltzaileentzat eta publiko arruntarentzat zuzendua dago eta upeltegiei bezeroekin zuzeneko harremana izateko aukera ematen die azoka honek.
Gaur hasita eta igandera bitartean Ardoaraba Azoka egingo da Gasteizeko Bastiturri plazan. Bertan presentzia izango dute gure eskualdeko upeltegiek, Aiaraturren eskutik.
Asteburu honetan Gasteizek Arabako ardoen azoka nagusia hartuko du, Ardoaraba izenekoa. Azoka 2002. urtetik egiten da eta estatuko iparraldean ardoaren munduaren inguruko ekitaldi nagusietako bat da. Ardoaren kulturako zabaltzaileentzat eta publiko arruntarentzat zuzendua dago eta upeltegiei bezeroekin zuzeneko harremana izateko aukera ematen die azoka honek.
Gure eskualdeko ekoizleek aukera hori baliatuko dute bertan egiten den txakolina ezagutzera ematen jarraitzeko.Hala, Bastiturri plazako eremuan Aiaraturrek stand bat izango du, non gure eskualdeko txakolin motak ezagutzeaz gain”, Aiaraldeko eskaintza turistikoa eta kulturala ezagutzeko aukera ere izango den. Betatik pasatzen direnek zozketa batean parte hartzeko aukera izango dute; hiru sari emango dira: “señoría de Astobiza” emandako 10 bono, 48 euroko balioagatik, 12 txakolin botila, eta 10 bisita gidatu Beldui upeltegira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
