“Galiziera ez da beste edozein hizkuntza baino hobeago edo txarragoa: gurea da”

PEPE RODRIGUEZ SANCHEZ (Cesuras, 1946) zazpi urte zituela utzi zuen Galizia. Hona etorrita galiziera galdu egin zuen, baina urte batzuen bueltan berreskuratzea lortu zuen.

Galizian, eskolako lehen urtetan, galizieraz mintzatzen zineten?

PEPE RODRIGUEZ SANCHEZ (Cesuras, 1946) zazpi urte zituela utzi zuen Galizia. Hona etorrita galiziera galdu egin zuen, baina urte batzuen bueltan berreskuratzea lortu zuen.

Galizian, eskolako lehen urtetan, galizieraz mintzatzen zineten?

Bai, irakaslea izan ezik denok mintzatzen ginen galizieraz. Herrixka bateko eskola zen eta hori zen hitz egiten zen hizkuntza. Nik ez nuen inoiz inor gazteleraz egiten ikusi, eskolara iritsi arte. Askok diote jo egiten zietela galizieraz hitz egiteagatik, niri ez zitzaidan inoiz halakorik gertatu. Galiziera behe-mailako hizkuntza kontsideratzen zen. Baina beste edozein hizkuntza bezalakoa da: baditu bere aditzak, bere gramatika...

Eta hona etortzean, zer?

Hemen esango nuke gaztelera hilabete baten bueltan ikasi nuela. Umea zerenean beti ikasten da azkarrago. Eta galiziera ahazten hasi zitzaidan. Baina hogei urte pasata nituela gogoak sartu zitzaizkidan eta galdetu nion nire buruari: “baina nolatan ahaztu zait galiziera?”. Eta berreskuratu egin nuen.

Ez zenuen galiziera behar Laudion bizitzeko, zergatik berreskuratu orduan?

Jakin nahi nuelako. Gauzei maitasuna izatean datza nahi hori. Oso galiziar sentitzen nintzen gainera. Oso txarto iruditzen zitzaidan ez jakitea. Lan egiten dudan tabernako bezero galiziar batzuei galizieraz zuzentzen natzaie orain, eta batzuei kosta egiten zaie erantzutea.

Hemen jaiotako galiziar komunitateko seme-alabei galiziera transmititu zaie?

Inola ere ez. Zergatik ez duten hitz egiten? Gurasoek ez dutelako etxean mintzatu. Jendeak ez du galizieraz hitz egiten, garrantzitsuagoa iruditzen zaie gazteleraz jakitea. Nik kontrakoa uste dut: galiziar batentzat garrantzitsuena bere hizkuntza beharko luke izan.

Galiziera galiziera da, katalana katalana eta euskara euskara. Ez da beste edozein hizkuntza baino hobeago edo txarragoa: gurea da.   

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide