Astero bezala, aste-bukaerarekin batera zinema heltzen da gure eskualdera. Herri guztietan zinema emanaldiak ez badira ere, aste honetan bi herrik baieztatu dituzte emanaldiak: Laudio eta Amurrio.
Dallas Buyers Club
Laudion, larunbatean, abenduak 6, Lanbide Heziketa Eskolan arratsaldeko 17:30tan eta 20:00tan, aurtengo Oscar sarietan garaile ateratako pelikula bat egongo bai da ikusgai: Dallas Buyers Club. Filma Ron Woodroof rodeo cowboyaren bizitzan oinarritzen da; 1986an HIESa eta hilabete bateko bizi iraupena diagnostikatzen diotenean, edozein konponbideren bila hasiko delarik, legez kanpoko medikamenduen munduan murgilduz. Aurten, Oscar irabazleak izan diren Matthew McConaughey eta Jared Leto dira ekoizpen honen protagonista nagusienak, HIES-aren lehenengo urteetan gaixorik zeuden pertsonak izan zituzten arazoen kronika interesgarri bat izanik. Guztira, hiru Oscar jaso zituen filma honek (hirugarrena makillaje onenari izan zelarik), urte honetako film onenetariko bat izanik.
Boxtrolls
Amurrion zinema asteburu luze bat izango da, hiru egunetan emanaldiak egongo direlarik. Larunbatean, igandean eta astelehenean, abenduak 6, 7 eta 8, arratsaldeko 17:30tan, Amurrioko Antzokian, herriko txikienei zuzendutako animaziozko pelikula dibertigarri bat: Boxtrolls. Boxtrolls-ak zorupean bizi diren eta inori kalterik egiten ez dien izaki bitxiak dira. Baina gauetan haurrak eta gaztak harrapatzera irteten direnen ospea dute.
Relatos salvajes
Amurrion ere, larunbatean eta igandean, abenduak 6 eta 7, arratsaldeko 19:30tan, eta astelehenean, abenduak 8, 20:00tan, Ricardo Darín aktore argentinarraren azken lana: Relatos Salvajes. Argentinar pelikula honek, 1985tik 1987ra Estatu Batuetan ikusgai egondako telesail bat du oinarri: Steven Spielberg-en Kontakizun harrigarriak. Sei istorioz osaturiko film honek, bere protagonistak kontrolik gabeko egoeretara bultzatuko ditu, gertaerak kontakizun basatietan bilakatuz. Damián Szifrón zuzendari argentinarraren azken pelikula, Relatos Salvajes, Ricardo Darín du aktore nagusia eta beldurra protagonista nagusiena.
Fitxa teknikoak
Zuzendaria: Jean-Marc Vallée
Gidoilaria: Craig Borten eta Melisa Wallack
Aktoreak: Matthew McConaughey, Jennifer Garner, Jared Leto…
AEB, 2013. 117 minutu.
Zuzendaria: Graham Annable eta Anthony Stacchi
Gidoilaria: Irena Brignull, Adam Pava eta Alan Snow (liburua)
Aktoreak: Ben Kingsley, Jared Harris, Nick Frost…
AEB, 2014. 96 minutu.
Zuzendaria: Damián Szifrón
Gidoilaria: Damián Szifrón
Aktoreak: Ricardo Darín, Liliana Ackerman, Luis Manuel Altamirano García, Alejandro Angelini…
Argentina eta Espainia, 2014. 122 minutu.