JESSI PICATOSTE duela zortzi urte inguru etorri zen Madriletik Euskal Herrira bizitzera.
Nola hasi zen euskararekin duzun harremana?
Hona etorri nintzen eta hasieratik gustatu zitzaidan euskara. Bilboko San Frantzisko auzoan etorri berrientzako euskara klaseak eskaintzen zituzten, eta horietara joaten hasi nintzen, irakasle moduan lagun bat neukala. Gero AEKn apuntatu nintzen, eta lau urte inguru eman nituen han. Haurdun geratu nintzen gero, eta umearekin nahikotxo aurreratu dut, azkenean egun osoa pasatzen dudalako berarekin euskaraz hitz egiten.
Euskara ikastea zaila dela diote. Hori zer da, egia ala topikoa?
Nik gauza bera pentsatzen dut. Neri ez zait zaila iruditzen, baina gauza da gero gaztelania praktikatzeko baino aukera gutxiago daudela.
Euskara ikasten jarraitzen duzu? Edo dakizunarekin aski?
Nik ez dut uste gehiago ikasiko dudanik. Orain egin nahi dudana hitz egitea da.
Onartuago sentitzeko, kanpotik datorren pertsona batek behar gehiago dauka euskaraz ikasteko hemengo batek baino?
Igual bai. Batzuetan demostratu behar duzu hemengo kulturan interesa duzula, hemengo jendearen erdiak euskaraz ez dakien arren.
Zentsu horretan badaukat erantzatxo bat sartuta. Batez ere Madrilgoa izanda gogorra da. Gero euskara ikasten duzunean esaten dizute: “Zelako meritua zurea, Madrildik etorri eta euskaraz ikasi”.
Zer esango zenioke euskara ikasten hasi nahi duen norbaiti?
Ikuspuntu praktiko batetik, nik esango nukeena da ez dela hizkuntza zaila. Zoragarria da bai, eta mila ate irekitzen dizkizu.