Amurrio eta Laudioko Euskara arloek formakuntza saioa antolatu dute gaurko Luiaondon. 16:30ean hasiko da, doakoa izango da, eta edonork parte hartu dezake. Hori bai, 15:00ak baino lehen jakinarazi behar zaie Euskara zerbitzuei.
Euskararen garapena dela eta, antolatzaileek interesgarritzat jo dute kirolari eta batik-bat gazteen artean hizkuntzaren erabilera bultzatzea.
Hori dela eta saioa bereziki zuzenduta dago entrenatzaileei eta euskal klubetan dagoen jendeari. Jardunaldiak bi ardatz izango ditu. Alde batetik euskararen erabilera indartzea eta bestetik kirolariak motibatzeko estrategia egokiak moldatzea.
Guztira 4 orduko jarduna izango da eta dinamizatzaileak hurrengoak izango dira:
Iñaki Eizmendi Arsuaga: Gizarte Hezitzailea. Esperientzia handia du euskararen erabilera sustatzeko arloan. Arabako Foru Aldundiarekin hainbat egitasmotan aritu izan da elkarlanean. Besteak beste: Haur eta gazteentzako Udako jardueretan euskararen erabilera sustatzeko irizpideak eta tresnak.
- Itziar Larzabal Bengoetxea: Pedagogoa. Ibilbide luzea du euskararen normalizazioko jardueretan, bereziki hitzarmengintzaren inguruan eta haur eta gazteei begirako jardueretan.
- Aritz Olagoi Olazabal: Kirol Psikologoa. Ariketa fisikoaren eta kirolarenpsikologian masterra egina du. KirolPsikologia.net egitasmoaren arduraduna. Kirolari, entrenatzaile eta epaileentzat ebaluaketa, azterketa eta prestakuntza psikologikoaren arloan lan egiten du. Hainbat kirol federaziorekin elkarlanean aritzen da.