Asteazkenean (irailak 10) hasi eta ostiralean (irailak 12) bukatuko da Fita Fik euskal soinu tresnen eskolan matrikulatzeko epea. Musika eskolan izena eman nahi dutenek ondorengo lekuetako batera bertaratu beharko dira: Urduñako FP bedelaren etxe ohira edota Laudioko Udaletxe zaharreko hirugarren solairura.
18:00etatik 20:00etara egongo da izena emateko aukera aipatutako bi leku horietan. Fita Fik-ek euskal soinu tresnen sustapena du helburu. Hala, ugariak dira bertan jotzen ikasi daitezkeen instrumentu eta diziplinak: alboka, txistua eta danbolina, trikitrixa, panderoa, txalaparta, gaita edo dultzaina, perkusioa eta musika hizkuntza.
Fita Fik-eko kideek posta elektroniko baten helbidea helarazi dute, dudaren baten inguruan galdetu edo informazio gehiago jaso nahi duen ororen eskura: fitafikeskola@gmail.com
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide