Amurrioko Gazte Asanbladak 12:00etan irekiko du San Jose auzoko kultur etxean Gaztetxea. 12:00etan abiatuko dute ekimena argazki eta bideo erakusketaren bitartez.
13:30ean triki poteoa egingo dute auzoan zehar eta 14:30ean bazkari herrikoiarekin jarraituko dute. Izena emateko aukera dago oraindik Gaztetxean bertan edo Txokogorrin. Bazkaria bukatu bezain laster kontzertua egongo da Perdido entre ilusiones eta Alperrikako bizien jabe-ren eskutik.
Orozkoko Gaztetxea
Amurrioko Gaztetxea irekitzen duten bitartean, beste batek bere ateak itxi ditu, momentuz behintzat. Orozkoko Gazte Asanbladak bere twitter kontuaren bitartez jakinarazi baitu lokala laga dutela. Duela hilabete batzuk udalak zigilatu zuen.
Urduñako Gaztetxean kontzertua
Urduñako Gazte Asanbladak, bestalde, sare sozialetan zabaldu du larunbatean kontzertua egingo duela, 21:00etatik aurrera. El Bastón de la Vieja talde andaluziarrak joko du. Taldeak aurreko udan ere emanaldia eskaini zuen Urduñan. Zehaztu ez duten beste talde batek ere joko du.