Jaiek kolorez janzten dute Aiaraldea. Herri txiki zein handi, auzo zein kale, ugariak dira eskualdean ospatzen diren festak. Eta, antolatzen diren ekintzak. Jai Batzordeak, elkarteak, udalak... oro har, herritar andana aritzen da jo eta su Aiaraldea festez argitzeko. Suziriak bezala, guztien gozamenerako dira. Batzuk, laburrak, besteak luzeagoak.
Aiaraldea Komunikazio Leihoak aurten, lehenbizikoz, abuztuko jaiak aldizkari batean batzeko erronkari heldu dio. Jaietan ere euskaraz komunikatu nahi dugulako, Aiaraldeko lurrek eta euskarak batzen gaituztelako.
Eskualde eta herrietako komunitatearentzat ekitaldiak antolatzen aritu direnen energia paperean islatu nahi izan dugu eta ostiraletik aurrera 52 orrialdetako aldizkari koloretsuaren 10.000 ale banatuko ditugu eskualdean doan.
16 herri eta auzoetako jai egitarauak aldizkari bakarrean
Aldizkari honetan 16 herri eta auzoetako jaien gaineko informazio zehatza topatuko duzue: egitarauak egunez-egun, elkarrizketak, albisteak, gertakari historikoak... Abuztuaren 8tik iraila bukaera arte Aiaraldeako hamaika txoko jaietan izango dira, eta aldizkari honek herritarrak lagundu nahi ditu ondoko herri zein auzoetako jaiak hobeto ezagutzen, ezen eta jaiak hara eta hona mugitzen bait gaitu udan. Aiaraldeko komunitatea indartu eta elkar-ezagutzan sakontzeko tresna izan nahi du alegia.
Ostiraletik aurrera Aiaraldeko kiosko, okindegi, denda, taberna zein igerilekuetan eskura izango da aldizkaria (online ere osorik irakurgai duzue dagoneko HEMEN). Herri eta auzo hauetako informazio zehatza topatuko duzue bertan.
- Aloria
- Soxo
- Luxo
- Okondo
- Amurrio
- Arrankudiaga
- Laudio
- Orozko
- Urduñako Koroatze Jaiak
- Baranbioko Andra Mari Txikiak
- Artziniega
- Laudioko Latiorro auzoko jaiak
- Etxaurren
- Atxeta
- Menagarai
- eta Lekamaña