Naturayala blogak beste testu interesgarria argitaratu du. Kasu honetan eskualdeko zikoinen inguruko ikerketa egin du elkarteak:
"Umeak hazten ari diren zikoinen populazioa gero eta handiagoa da gure eskualdean. Joan den mendeko 60. ta 80. hamarkadetan bikote bakar bat ere ez bazegoen, 2014an 12 dira dagoeneko hazten ari direnak.
Joseba Egigurenek urtez urte egiten du Urduñako zikoinen jarraipena, eta aurtengo udaberriko emaitza honako hau da: 11 bikote beste hainbeste habitan, sei besterik ez, ordea, txitadunak:
Familia Santuaren Elizan (San Juan) Foru plazan: 4 habi eta 5 txita, horietatik lau habi bakarrekoak (Foru plazan hilda jaso diren txitak: 4).
Udaletxean: habi 1 eta txita 1.
Alondegian: habi 1 eta 3 txita.
Santa Clara elizan: habi 1 eta 3 txita.
Hilerrian: habi 1 eta txita 1.
Telefono-antenan (Donibane kalean): habi 1, txitarik ez.
Josefinoen Gazteluan: habi 1, txitarik ez.
Kale Zaharrean: habi bat 1, txitarik ez.
Amurrion Mario Corral da zikoinen jarraipena egiten duena: gaur egun bikote bat dago parkeko zedro batean, bi txitarekin.
Gainera, aurten bertan habi berriak egiten ikusi ditugu bikote batzuk, gero arrautzarik jarri ez badute ere: Laudioko parrokian eta Artomañako elizan."