Garoña ixtearen alde dauden hainbat alkate batu dira eta gaiari buruzko testua eta argazkia aurkeztu dituzte.
Nuclenorren jabeak PParekin batera Garoña 2031era arte zabaldu nahi dutenez, zentral nukelarretik 30 kilometro baino gutxiago dauden udalerrien alkateak -Amurrio eta Aiarakoa, besteak beste- elkartu dira zentralaren behin betiko itxiera eskatzeko.
Salatu egin nahi dute PP eta Nuclenor herritarren segurtasunarekin negoziatzen egotea, eta era berean, Javier De Andres Diputatu Nagusiaren jarrera, herritarron eskaerak albo batera utziz, Mariano Rajoyren Gobernuak hartzen dituen erabakiak defendatzeagatik.
Hori guztia dela eta, Europako Batzordearen babesa eskatzen dute, «Garoñako zentral nuklearra berriro irekitzeko aukeraren aurrean, ikuskatu dezala aipatu zentrala irekitzeko eman litekeen baimenaren prozedura eta ziurtatu dezala, lizentzia berria emateko aukeraren aurrean, Fukushimako istripuaren ondoren ezarri ziren segurtasun-betebeharrak betetzen direla.»
Laburbilduz, batutako alkateek Garoña ixtea nahi dute herriaren nahia delako eta horregatik Garoña betiko ixtea eskatzen dute.