Amurrio, Urduña, Arespalditza, Luiaondo eta Artziniegako herritarrek GIBaren test azkarra egin ahal izango dute HIESaren antigorputzak detektatzeko. Probak borondatezkoak izango dira eta hogei eta berrogeita hemeretzi urte bitarteko pertsonek analitikak edo kontrolak egiten dituztenean egingo lirateke. Hala eta guztiz ere, edozeinek egin izan ahalko du familia sendagileari eskatuz gero.
Aiarako anbulatorioko Javier Gil Bengoa medikuak dio ”kontagiatzeko arriskuan egon direnak, kontagiatzeko arriskua dagoen herrialdeetan egon direnak eta beste herrialdetakoak direnak proba egitea” oso garrantzitsua dela
Test azkarra
Test azkarren ezaugarri nagusia da emaitzak 30 minutu igaro baino lehen lortzen direla, odol edo listu kantitate txiki bat erabiliz. Analisi hauen fidagarritasuna ia %100ekoa da baldin eta hiru hilabete igaro badira arriskuko praktika gauzatu zenetik
Osakidetzaren datuen arabera 2013 urtean EAEan 143 kasu berri egon ziren eta horietatik %87,4 gizonezkoak ziren. Arrisku praktikari dagokionez, sexua gizonezkoekin duten gizonezkoen transmisioak goranzko joeran jarraitzen duela dio Osakidetzak, izan ere, %55,9 homosexuala edo bisexualak ziren eta %23, 8 heterosexuala. Beranduko diagnostikoa zutenek %46, 2 izan ziren.