Astero bezala, aste-bukaerarekin batera zinema heltzen da gure eskualdera eta gure herrietara. Herri guztietan zinema emanaldiak ez badira ere, aste honetan ohiko bi herriak baieztatu dituzte emanaldiak: Laudio eta Amurrio.
Oblivion
Laudion, larunbatean, maiatzak 24, Lanbide Heziketa Eskolan arratsaldeko 17:30tan eta 20:00tan, Tom Cruisek pasaden urtean estreinatutako zientzia fikziozko film interesgarri bat: Oblivion. 60 urte lehenago Lurra suntsitua izanetik, gizakiak beste planeta batean bizi dira, baina Jack izeneko soldadu bat bueltan bidaliko dute gure planetaren egoera aztertzeko. TRON Legacy filmaren zuzendaria izandako Joseph Kosinski da pelikula honen burua da, istorioa berak idatzitako komiki batean oinarritzen delarik. Tom Cruise da protagonista nagusiena, eta berarekin batera Olga Kurylenko, Andrea Riseborough edota Morgan Freeman bezalako aktore interesgarriak ikusiko ditugu. Ez ohizko zientzia fikziozko film sakon eta entretenigarri bat Oblivion, zineman ondo pasatzeko aukera ona.
Dallas Buyers Club
Amurriora goaz orain, igandean, maiatzak 18, arratsaldeko 19:30tan eta astelehenean, maiatzak 19, 20:00tan, ohi bezala Amurrioko Antzokian, aurtengo Oscar sarietan garaile ateratako pelikula bat egongo bai da ikusgai: Dallas Buyers Club. Filma Ron Woodroof rodeo cowboyaren bizitzan oinarritzen da; 1986an HIESa eta hilabete bateko bizi iraupena diagnostikatzen diotenean, edozein konponbideren bila hasiko delarik, legez kanpoko medikamenduen munduan murgilduz. Aurten, Oscar irabazleak izan diren Matthew McConaughey eta Jared Leto dira ekoizpen honen protagonista nagusienak, HIES-aren lehenengo urteetan gaixorik zeuden pertsonak izan zituzten arazoen kronika interesgarri bat izanik. Guztira, hiru Oscar jaso zituen filma honek (hirugarrena makillaje onenari izan zelarik), urte honetako film onenetariko bat izanik.
Astero bezala, zinemaren magiaz gozatzeko aukera bikainak gure eskualdean!
Fitxa teknikoak
Zuzendaria: Joseph Kosinski
Gidoilaria: Karl Gajdusek eta Michael Arndt
Aktoreak: Tom Curise, Olga Kurylenko, Andrea Riseborough, Morgan Freeman...
AEB, 2013. 124 minutu.
Zuzendaria: Jean-Marc Vallée
Gidoilaria: Craig Borten eta Melisa Wallack
Aktoreak: Matthew McConaughey, Jennifer Garner, Jared Leto…
AEB, 2013. 117 minutu.