Homofobiaren aurkako egunaren harira, eskualdeko hainbat herritan literatur lehiaketa jarriko da abian hurrengo ekainean. Honekin lortu nahi dena, gizartea hausnarketa pertsonala egitea da, homosexualitatea ikuspuntu desberdinetatik ikustea eta horri esker homofobia gabeko gizartea eraikitzen laguntzea. Horrez gain, sariketara euskaraz aurkezteko aukera dagoenez, jendea euskarara hurbiltzeko aukera bikaina izango du. Leihaketan parte hartzeko, "Zergatik zara heterosexuala?" galderari erantzun beharko da.
Esan bezala, euskaraz edo gaztelaniaz aurkeztu ahal izango dira lanak, eta 300 hitz baino gutxiagoko luzera izan beharko dute. Pertsona bakoitzak, erantzun bakarra aurkeztu ahal izango du, eta idazlanarekin batera, izen abizenak, adina eta udalerria zehaztu behar izango ditu. Lehiaketa, ekainak 9an zabalduko da, eta 20ararte izango ditu zabalik ateak.
Amurrio, Aiara, Okondo, Orozko, Urduña, Artziniega eta Laudioko 12 eta 35 urte bitarteko edozeinek parte hartu dezake, eta sari desberdinak egongo dira egongo diren bi mailak kontuan hartuta. Lehenengo maila 12-18 urte bitarteko gazteentzat prestatuta dago, eta kontsola, joko eta liburu sorta bat ditu sari moduan. Bigarrena, aldiz, 19-35 urte bitartekoentzat pentsatu dute, eta saria tablet bat eta sexualitateari buruzko liburu sorta bat izango litzateke sariak.
Homofobiaren Kontrako Nazioarteko Eguna (HKNE, ingelesez International Day Against Homophobia, IDAHO), maiatzak 17an ospatzen da, 1990ko maiatzak 17an Osasunaren Mundu Erakundeak (OME) homosexualitatea gaixotasunen zerrendatik kendu baitzuen.