Astero bezala, aste-bukaerarekin batera zinema heltzen da gure eskualdera eta gure herrietara. Asteburu hau zinemaz beterik dator, eta ez asteburua soilik, hurrengo egunetan Orozkon, Amurrion, Laudion eta Artziniegan emanaldiak egongo bai dira.
Vaya pavos
Amurriotik hasita, beti bezala igandean, martxoak 9, emanaldi bikoitza egongo da herriko Antzokian; gaztetxoentzako eta helduentzako zuzendutakoak. Arratsaldeko 17:30tan, Vaya Pavos. Animaziozko pelikula honetan, Jake eta Reggie, bizitza ezberdin bat eraman duten bi indioilar, euren arteko arazoak konpondu eta denboran atzera bidai egingo dute, indioilarra Esker on eguneko menutik ezabatzeko. Umorez beteriko abenturak, etxeko txikienei zuzenduak.
Asier ETA biok
Beste alde, egun berean, baina arratsaldeko 19:30tan, Aiaraldea komunikazio leihoan askotan gomendatu dugun dokumental bikain bat: Asier ETA biok. Aitor Merino aktorea eta Asier Aranguren etakidearen arteko harremanaz hitz egiten duen proposamen ausart bezain adoretsu. Informazio gehiago irakurri nahi baduzue, hona hemen gure webgunean, estreinaldia medio, idatzi genuen zinema proposamena: http://www.aiaraldea.com/proposamenak/zinema/asier-eta-biok.
Turbo
Egun berean, martxoak 9 igandea, baina Orozkon, beste bi zinema emanaldi ditugu Donibane Aretoan. Amurrion bezala, lehenengoa, arratsaldeko 16:30tan, animaziozko pelikula batena; Turbo. Abiaduraz maiteminduta dagoen barraskilo batek, bat-batean eta “mirari” bat medio, superabiadura lortzen du. Ezusteko aldaketa honen ondorioz, Turbok bere ametsa betetzeko aukera izan du: Indianapolisen 500 miletan parte-hartzea.
La ladrona de libros
Orozkon ere, baina arratsaldeko 19:00tan, Alemania nazia eszenatoki duen istorio hunkigarri bat, La ladrona de libros. Brian Percival zuzendari eta Emily Watson, Geoffrey Rush eta Sophie Nelisse protagonista dituen filma honek, Liesel gaztearen bizitza kontatzen digu. Bere anaia hil ostean, Liesel harrera familia batekin bizitzera joango da, ezusteko batean, bertan ere judu bat ezkutatzen dela ohartuz. Gainera, besteak beste, John Williams-ek konposatutako soinu-banda zoragarria pelikula ikusteko arrazoi interesgarri bat da.
Marina Abramovic
Laudion ere, larunbat honetan, martxoak 8, dokumental bat izango dugu ikusgai, beti bezala Lanbide Heziketa Eskolan: Marina Abramovic. Arte modernoaren irispide den emakume honen inguruko ekoizpena bi emanaldi izango ditu egun berean; arratsaldeko 17:30tan eta 20:00tan. Emakume Langileen Nazioarteko Eguna dela eta, zineman ikusteko proposamen bikain bat.
Milagro en Milan
Laudion ere, baina asteartean, martxoak 11, Keska tabernan zinema emanaldia egongo da. Milagro en Milan izenburua duen italiar filma honek, Totoren istorioa kontatzen digu, bizitzan aurrera egiteko borroka hunkigarri batean murgilduko egingo dena. Vittorio de Sica zuzendari famatuak ekoiztutako lan bikain bat.
Astero bezala, zinemaren magiaz gozatzeko aukera bikainak gure eskualdean!
Fitxa teknikoak
Zuzendaria: Jimmy Hayward
Gidoilaria: Scott Mosier eta Jimmy Hayward
AEB, 2013. 91 minutu.
Zuzendaria: Aitor eta Amaia Merino
Gidoilaria: Aitor eta Amaia Merino
Aktoreak: Asier Aranguren, Aitor Merino, …
AEB, 2013. 94 minutu.
Zuzendaria: David Soren
Gidoilaria: Darren Lemke eta Robert D. Siegel
AEB, 2013. 96 minutu.
Zuzendaria: Brian Percival
Gidoilaria: Michael Petroni, Markus Zusak (eleberria)
Aktoreak: Emily Watson, Geoffrey Rush, Sophie Nelisse, …
AEB eta Alemania, 2013. 130 minutu.
Zuzendaria: Matthew Akers eta Jeff Dupre
Aktoreak: Marina Abramovic, Ulay, …
AEB, 2012. 106 minutu.
Zuzendaria: Vittorio de Sica
Gidoilaria: Cesare Zavattini
Aktoreak: Emma Gramatica, Francesco Golisano, Paolo Stoppa, …
Italia, 1951. 100 minutu.