Astero bezala, aste-bukaerarekin batera zinema heltzen da gure eskualdera eta gure herrietara. Herri guztietan zinema emanaldiak ez badira ere, momentu honetan, hiru herri dira pelikulak eskaintzen dituztenak astebururo: Amurrio, Laudio eta Orozko. Asteburu honetan gainera, ostiralean, Arespalditzan ere zinema emanaldi bat egongo da.
Labur bira
Arespalditzan hasiz, ostiral honetan, martxoak 28, Aiarako udaletxean, Labur bira zinema emanaldia egongo da; euskarazko pelikula laburren emanaldia. Ostean, solasaldia egingo da Lara Izagirre zuzendariarekin, gainera askaria egongo delarik.
La gran estafa americana
Laudion, larunbatean, martxoak 29, Lanbide Heziketa Eskolan arratsaldeko 17:30tan eta 20:00tan azken Oscar sarietan hamar izendapen lortu zituen filma bat ikusgai: La gran estafa americana. David O. Russell-en zuzendaritzapean, eta Christian Bale, Amy Adams, Bradley Cooper, Jennifer Lawrence eta Jeremy Renner protagonista direlarik, Amerika iruzur handiak New York hirian mugitzen den maula-egile bikote baten istorioa kontatuko digu, halabeharrez, F.B.I.-ko kide batek beharturik, politika eta mafiaren mundu arriskutsuan murgildu beharko direnak. Dudarik gabe, filma honen ezaugarririk bikainena, aktoreen lan zoragarria da. (Ikusi gure zinema proposamena hemen: http://www.aiaraldea.com/proposamenak/zinema/la-gran-estafa-americana)
Al encuentro de Mr. Banks
Zinema emanaldiak dituen bigarren herria Amurrio da. Igandean, martxoak 30, 19:30tan, eta astelehenean, martxoak 31, 20:00tan, , Amurrioko Antzokian zinema mundua protagonista duen filma polit bat: Al encuentro de Mr. Banks. Mary Poppins eleberriaren zinemarako moldaketaren istorioa; Pamela "P.L." Travers idazlearen eragozpenei aurre eginez, Walt Disney idazlea konbentzitu beharko du bere baimena lortzeko. Tom Hanks eta Emma Thompson aktoreak buru, John Lee Hancock filma interesgarri eta hunkigarri bat eraikitzea lortuko du, antzinako zinemaren xarma lortzen saiatzen den pelikula bat.
La Lego película
Amaitzeko, Orozkon, astero bezala, bi zinema emanaldi egongo dira igande honetan, martxoak 30, Donibane aretoan. Alde batetik, etxeko txikiei zuzendutako pelikula bat arratsaldeko 16:30tan: La Lego película. Lego arrunt bat den Emmet “Hautatuarekin” nahastu egingo dute, bere bizi baratua hankaz gora jarriz. Orain, superheroien laguntzarekin (Batman, Superman, Wonder Woman edota Green Lantern) mundua salbatzeko borroka amaigabe batean murgildu egin beharko da. LEGO jostailuen debuta zineman, aurrez bideojokoetatik ere arrakasta handiz pasatu ondoren. Haragi bola euria filmaren zuzendariak, Chris Miller eta Phil Lord, buru direla, honako filma honek etxeko txikien gozamena izango da... eta gurasoena ere.
El lobo de Wall Street
Herri eta leku berean, baina arratsaldeko 19:00tan, helduei direnei zuzendutako emanaldia; El lobo de Wall Street. Martin Scorsese eta Leonardo DiCaprio-ren azken elkarlana, kapitalismoaren inguruko istorio eta umore beltzez beteriko kritika bat da. Gertakari errealetan oinarrituta, Jordan Belfort-en istorioa kontatzen digu; 80ko hamarkadan broker arrakastatsu baten gorakada eta erorketa. Aurtengo Oscar sarietan bost izendapen lortu zituen pelikula onena, zuzendaria onena, aktore onena, bigarren mailako aktore onena eta moldatutako gidoi onenaren mailetan. Azkenean Oscarrik gabe gelditu bazen ere, Leonardo DiCaprio-ren lana soilik, filma ikusteko arrazoi bikain bat da. (Ikusi gure zinema proposamena hemen: http://www.aiaraldea.com/proposamenak/zinema/wolf-wall-street)
Astero bezala, zinemaren magiaz gozatzeko aukera bikainak gure eskualdean!
Fitxa teknikoak
Zuzendaria: David O. Russell
Gidoilaria: Eric Warren Singer eta David O. Russell
Aktoreak: Christian Bale, Amy Adams, Bradley Cooper, Jennifer Lawrence, Jeremy Renner, …
AEB, 2013.138 minutu.
Zuzendaria: John Lee Hancock
Gidoilaria: Kelly Marcel eta Sue Smith
Aktoreak: Tom Hanks, Emma Thompson, Colin Farrell, Paul Giamitti, …
AEB, 2013.125 minutu.
Zuzendaria: Phil Lord eta Christopher Miller
Gidoilaria: Phil Lord eta Christopher Miller
Aktoreak: Will Arnett, Elizabeth Banks, Alison Brie, …
AEB, 2013 .95 minutu.
Zuzendaria: Martin Scorsese
Gidoilaria: Terence Winter (Liburua: Jordan Belfort)
Aktoreak: Leonardo DiCaprio, Jonah Hill, Margot Robbie, …
AEB, 2013. 179 minutu.