Takomano espeleologia taldeak sarrera berria egin du blogean:
"Urte hasieratik, martxoan burutuko den hastapen ikastaroa prestatzen burubelarri dabil taldea, eta etxean egin beharreko lanaz gainera, ohiko jarduna ikastarorako leku egokiak bilatzeko bisitaldiekin bateratu behar izan du. Bisita horietako bat, Gorobel mendigunean dagoen Urietako leizean izan da, Urietako tontorretik hurbil , 1.059 metrotako garaieran, 450 m garapen eta -95 m sakonerarekin, argitaratutako azken datuen arabera.
Inguru apartan kokatua, bertako leize sare handienetatik hurbil, sarrerako putzu elegantea..arrazoi ezberdinengatik erakargarri suertatzen zitzaigun eta ez zigun hutsik egin. Ahaztutako materialak 4. putzua baino urrunago joateko aukerarik eman ez arren… ustekabez betetako jardunaldi borobila oparitu zigun: txango ederra ahoraino, putzu handian gozatua, planaria “manifa” batekin tupust egin, -50 metrotan kokatu lepazuri hilerria (40 burezur baino gehiago), igeltso kristalak… Ea ba, eguraldia lagun elkar ikusiko dugu Urietan (eta soketan jarduteaz gain, ahoko putzuaren oinarrian dagoen zabor guztia batuko dugu!)"