Astero bezala, aste-bukaerarekin batera zinema heltzen da eskualdera eta herrietara. Herri guztietan zinema emanaldiak ez badira ere, momentu honetan, hiru herri dira pelikulak eskaintzen dituztenak astebururo: Amurrio, Laudio eta Orozko.
Rebelle
Laudiotik hasita, hiru film ezberdin egongo dira ikusgai hurrengo egunetan herrian. Larunbatean, otsailak 22, Lanbide Heziketa Eskolan, arratsaldeko 17:30ean "Rebelle (War Witch)" filma ikusgai egongo da. Oscar sarietan hizkuntza ez ingelesdun film onenaren mailan izendapen bat lortu zuen pelikula gogor honek, Kongoko Errepublika Demokratikora eramango du ikuslea, bertan bizi den haur-soldaduen egoera aurkeztuz eta biziaraziz (ikusi fitxa amaieran). Gomendagarria guztiz, gaur egun, munduan bizi den egoera latz hau, itzulingururik gabe eta zintzotasunez lantzen duen ekoizpen kanadarra.
Asier ETA Biok
Herri berean, leku berean eta ordu berean, baina igandean, otsailak 23, beste lan interesgarri bezain ausarta eta zintzoa. Kasu honetan, "Asier ETA biok" euskal dokumentala. Hemen bertan, Aiaraldean, jaso da jadanik filma honen inguruan. Ezer gutxi gehiago dago esateko, ikustea joatea guztiz gomendatzen dugula, soilik.
La leggenda del pianista sull'oceano
Eta Laudiotik atera gabe, asteartean, otsailak 25, Keska Tabernan zinema italiarra erdarazko azpitituluekin, euren “Cinemascopas” saioen barruan. Gaueko 21:30-tan ikusgai egongo da La leyenda del pianista en el oceano filma, 1998an Giuseppe Tornatore italiarrak zuzendutakoa eta Urrezko Globo baten irabazlea Ennio Morricone-ren soinu-banda ikusgarriagatik. Europar zinema bikainaren adibide bikaina.
Walking with Dinosaurs
Orozkon, bi emanaldi igandean Donibane Aretoan; umeentzat zuzendutakoa 16:30tan eta helduagoentzat zuzendutakoa 19:00tan. Etxeko txikientzako, pelikula ikusgarri bat "Caminando entre dinosaurios". Jatorriz 3D-an filmatutako ekoizpen bat, non dinosauro gazte baten abenturetan murgilduko gara.
The Wolf of Wall Street
Bestalde, 19:00etan, duela hilabete bat estreinatutako pelikula arrakastatsu bat: "El lobo de Wall Street". Martin Scorsese eta Leonardo DiCaprio batera egindako azken lana eta, jadanik, Urrezko Globo baten irabazlea, DiCaprio beraren lan zoragarriarengatik. Jordan Belfort burtsa agentearen bizitzan oinarrituta, kritika zorrotzez beteriko komedia honek bost izendapen lortu ditu aurtengo Oscar sarietan; film onenaren mailan eta aktore onenaren mailan, besteak beste.
Cloudy with a Chance of Meatballs 2
Zinema emanaldiak dituen hirugarren herria, Amurrio. Igandean, Amurrioko Antzokian, txikientzat zuzendutako emanaldian, 17:30ean, "Lluvia de Albondigas 2" pelikula. 2009an arrakasta bikaina lortu zuen animaziozko filmaren jarraipen honek, jatorrizko filmaren umorea eta abenturak berdintzea lortzen du, emaitza entretenigarria izanez. Kalitatezko marrazki bizidunez gozatzeko aukera ona.
Soshite chichi ni naru (Like Father, Like Son)
Egun berean, baina arratsaldeko 19:30ean, eta astelehenean, otsailak 24, 20:00etan helduentzat zuzendutako emanaldia Amurrion ere. Asteburu honetan, Cannes-eko jaialdian eta Donostiako Zinemaldian sari ezberdinak jaso zituen japoniar ekoizpen bat, "De tal padre, tal hijo". Zinema asiarraren eta intimistaren eredu zoragarri bat.
Fitxa teknikoak
Rebelle (War witch)
Zuzendaria: Kim Nguyen
Gidoilaria: Kim Nguyen
Aktoreak: Rachel Mwanza, Alain Lino Mic Eli Bastien, …
AEB, 2012. 90 minutu.
Asier ETA biok
Zuzendaria: Aitor eta Amaia Merino
Gidoilaria: Aitor eta Amaia Merino
Aktoreak: Asier Aranguren, Aitor Merino, …
AEB, 2013. 94 minutu.
La leyenda del pianista en el oceano
Zuzendaria: Giuseppe Tornatore
Gidoilaria: Giuseppe Tornatore eta Alessandro Baricco (monologue Novecento)
Aktoreak: Tim Roth, Pruitt Taylor Vince, Bill Nunn, …
AEB, 1998. 165 minutu.
Caminando entre dinosaurios
Zuzendaria: Barry Cook, Neil Nightingale
Gidoilaria: John Collee
Aktoreak: Charlie Rowe, Karl Urban, Angourie Rice, …
AEB, 2013. 87 minutu.
El lobo de Wall Street
Zuzendaria: Martin Scorsese
Gidoilaria: Terence Winter (Liburua: Jordan Belfort)
Aktoreak: Leonardo DiCaprio, Jonah Hill, Margot Robbie, …
AEB, 2013. 179 minutu.
Lluvia de albondigas 2
Zuzendaria: Cody Cameron, Kris Pearn
Gidoilaria: Erica Rivinoja, John Francis Daley
Aktoreak: Bill Hader, Anna Faris, Will Forte, …
AEB, 2013. 95 minutu.
De tal padre, tal hijo
Zuzendaria: Hirokazu Koreeda
Gidoilaria: Hirokazu Koreeda
Aktoreak: Masaharu Fukuyama, Machiko Ono, Yôko Maki, …
AEB, 2013. 121 minutu.