Otsailaren 6an eztabaidatu zuten Eusko Legebiltzarrean kutsadura elektromagnetikoa mugatzeko testua. Proposamen horren bitartez eta talde guztien babesarekin eskatu zitzaion Espainiar Gobernuari kutsadura elektromagnetikoaren inguruko legea prestatu dezan. Gainera, EAEn duen kutsadura horrek duen eragin epidemiologikoa eta esposizio maila eta mapa egitearen beharra jakinaraziko zaio Eusko Jaurlaritzari.
Baina alderdi politikoak ez ezik, hainbat elkarte daude kezkatuta kutsadura mota hori dela eta. Berez, gaia legebiltzarrean jorratzen zen bitartean, herritar ugari elkartu ziren Gasteizen kutsadura elektromagnetikoaren aurka. Kontzentrazioan parte zutenen artean Aiaraldeko hiru ikastetxe eta guraso elkarte zeuden: Latiorrokoa -Laudio-, Amurrioko Lucas Rey eta Artziniegako Arteko Gure Ama.
Eskualdeko guraso eta hezitzaile horiek uste dute elektromagnetismoaren eragina bereziki arriskutsua dela umeengan eta horregatik arreta eskatzen dute esparru horretan.
Latiorroko gurasoen bozeramaileek espero dute erakundeek ahalik eta lasterren eskaintzea gelatan internet zerbitzua kablearen bitartez eta horren ondorioz ikastetxeko wifia itzaltzea, oraindik piztuta baitago.
Amurrion, irakasleek gogoratu dute wifia ez ezik, antenak ere dituztela Lucas Rey Ikastetxetik gertu. Artziniegako Arteko Gure Amako klaustroak kutsadura elektromagnetikoaren aurka azaldu da.