Aurten ere auzo-batzarren dinamika jarriko dute martxan Amurrio eta Laudioko udalek. Amurrion bihar izango da lehen zita, otsailak 4. Auzo-batzarretako ordezkariak bilduko dira, aurtengo asanbladak nola egin zehazteko. Zita hori ez da bakarra izango, urtea aurrera joan ahala bilera irekiak deituko baitituzte herriko auzoetan.
Laudion, berriz, otsailaren 24aren eta martxoaren 3aren artean egingo dira asanbladak. Zortzi asanblada egingo dira, zortzi auzunerentzako:
Aurten ere auzo-batzarren dinamika jarriko dute martxan Amurrio eta Laudioko udalek. Amurrion bihar izango da lehen zita, otsailak 4. Auzo-batzarretako ordezkariak bilduko dira, aurtengo asanbladak nola egin zehazteko. Zita hori ez da bakarra izango, urtea aurrera joan ahala bilera irekiak deituko baitituzte herriko auzoetan.
Laudion, berriz, otsailaren 24aren eta martxoaren 3aren artean egingo dira asanbladak. Zortzi asanblada egingo dira, zortzi auzunerentzako:
Landa eremua
Ugarte
Erdigunea
Latiorro
Arraño
Gardea,
Areta
Landaluze.
Bilera bakoitzaren data oraindik zehaztu gabe dagoen arren guztiak arratsaldeko zazpietan egingo direla aurreratu du Koldo Zabala zinegotziak, astelehenetik ostegunera bitartean.
“Auzobegiralea”
Auzo-batzarrak egiteaz gain, beste ekimen bat plazaratuko du Amurrioko Udalak: “Auzobegiralea”. Figura berri hori auzo-batzarretan planteatzen diren eskaera eta proposamenak jaso eta euren jarraipena egitea izango du helburu. Auzokideen eta udalaren arteko “harreman zuzena” mantentzeaz ere arduratuko da, udalaren hitzetan.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
