Gorbeialde landa garapenerako alkarteak bere 2012ko lan egitasmoa aurkeztu du. Bertan, Gorbeialdeko gerentea de Peli Manterolak azaldu duenez, "Arratia-Nerbioi eskualdeko garapen ekonomikoa bultzatu nahi da, errentagarritasuna eta leihakortasuna bultzatuz, zailtasun ekonomikoz jositako egungo egoera kontuan hartuta". Programa 18 neurri desberdinez baliatzen da ekonomia bultzatu nahiean.
Manterolak aipatu ditu aurten hartuko diren neurriak, nekazal garapenean lortu nahi diren diru-laguntza publikoak bezala, baserritarren merkatuen eta azoken sustapena, bazkalekuen hobekuntza, lurren bitarteko bankuen sustapena, basoetako biomasaren sustapena, edota gabonetako saskien antolakuntza bertoko produktuekin.
Gorbeialdeko gerenteak azpimarratu du elkarteak konpromesua hartu duela eskualdeko herrien zerbitzuak hobetzeko (Arakaldo, Arantzazu, Arrankudiaga, Artea, Areatza, Zeanuri, Bedia, Zeberio, Dima, Lemoa, Otxandio, Urduña, Orozko, Ubide, e Igorre). Zentzu honetan, internetaren estaldura hobetzen saiatuko da nekazal zonaldetara teknologia berriak hurbiltzeko asmoz. Horrez gain, barne-garraio publikoa hobetu nahi da, eta mendi ondareari balioa eman.