Aiaraldeko ikur naturala den Fraileburuak ezbeharra izan du eta bere burua jausi da. Gorobeleko leku adierazgarriak, beraz, ospetsua egiten zuen ezaugarria galdu du.
Jausia gertatu den unean ez zegoen inor ingurutan, edo behintzat momentuz inork ez du horren berririk eman. Ondorioz, istripuaren arrazoiak ez dira oraindik argitu.
Teoria ezberdinak
Bizkaiko Foru Aldundiko geologoek ikertzen duten bitartean handik gertu bizi diren hainbat pertsonek susmoaren itzala zabaltzen hasi dira. Arrastariako eta Berberanako herritar batzuk istripuaren atzean haustura hidraulikoa dagoela uste dute.
Gran Enara baimenak eremu horretan frackinga praktikatzeko aukera emango dio enpresa talde bati. Hori bai, zulaketak hasi baino lehen ikerketa geologikoaren kanpaina abian jarri behar dute. Azken egunetan kamioi eta azpiegitura tekniko oso aurreratuak ikusi dituzte inguruko herritarrek eta haien aburuz ibilgailu horiek egin dituzten froga sismikoen ondorioz galdu du tontorra Fraileburuk.
Hala ere, beste pertsona batzuen iritziz azkeneko laino opilek eragindako muturreko tenperaturen emaitza izan da jausia.