Inmaculada-ko zubian (abenduak 6, 7 eta 8) Aiaratur-ek gidatutako bisitak antolatu ditu bi euroren truke. Martxan jarritako ekintzak Aiarako harana eta Nerbiogoiena hobeto ezagutzeko helburua dauka. Horretarako Urduña, Artziniega eta Kexaako herrietatik ibilbidea egingo da, herri bakoitzaren leku esanguratsuenenak erakutsiz.
Ostiralean arratsaldeko 16:30ak aldera Urduñako hiriko alde zaharrean zehar arituko dira. Ibilbidean zehar Santa Mariako gotorlekuaren edertasuna ikusteko aukera izango dute bisitariek, baita Familia Sakratuaren tenplu barrokoa eta Aduanako eraikina.
Larunbatean, aurreko egunaren ordu berean Artziniegako bisita hasiko da. Horretan, Arteko Gure Amaren santutegiaz gozatzeko aukera izango dute partehartzaileek.
Bestalde, Kexaako herriko ibilaldia larunbatean hasiko da goizeko 11:00etan eta igandean emango diote amaiera 12:15ean azken bisitarekin. Kexaan XIV. mendeko aiaratarren dorre gotortua, XVI. mendeko San Joan Bataiatzailearen eliza eta Cabelloko Andra Mariaren kapera dorrea, panteoi familiarrez babestuta dagoena eta oholtza piktoriko interesgarriak dituena, ezagutzeko parada izango dute.
Informazio gehiago
Bisita horiei buruzko informazio gehiago jasotzeko eskualdeko turismo bulegoetan eta 94 403 49 30 telefono zenbakira deituz, edo posta elektroniko bidez: turismo@urduna.com helbidearen bitartez lortu daiteke. Izena emateko, interesatuek Aiaraldeko turismo bulegoetara jo dezakete.