Aiaraldean hainbat kirol anitz egiten dira eta ikasturte hasiera hainbat taldek deialdia zabaltzen dute gazteek haien proiektuetan parte hartu dezaten.
Irailean eta urrian zehar itxiko dituzte Amurrio Arku Kirol Taldeak, Zaraobe saskibaloi taldeak, Amurrioko Tenis Klubak eta Laudio Atletismo Klubak izena emateko epeak.
Amurrio Arku Kirol Taldeak kanpoan eta aretoan jokatzen ditu lehiaketak asteburutan. Entrenamenduak astean zehar egingo dituzte eta gurasoen eta irakasleen artean adostuko dira ordutegiak. Taldean aritzeko derrigorrezkoa da 8 urte baino gehiago izatea.
Informazio gehiago jasotzeko edo izena emateko udalaren kirol sailera jo daiteke. Bestela, josemelejalde@gmail.com eta 670400398 telefonoaren bitartez Amurrio Arku Kirol Taldearekin jarri daiteke harremanetan.
Saskibaloi taldea eta 3x3 torneoa
Zaraobe Saskibaloi taldeak izena emateko parada ez ezik torneoa ere antolatu du. Saskibaloian jokatzeko udalaren kirol sailarera edo 660081693 telefono zenbakira jo behar da. Zaraobe taldean aritzeko ezinbestekoa da 8 urte izatea eta 110 euroko kuota ordaintzea. Lehen ordainketa izena ematerakoan egin behar da; eta hurrengoa martxoan.
Bestalde, 3x3 torneoa egingo du Zaraobek irailaren 28an Amurrion. Eguraldi ona eginez gero Juan Urrutia plazan jokatuko da eta euria egingo balu frontoia.
Izena ematea doakoa da eta 09:30ean egin beharko da. Emakumezkoek zein gizonezkoek jokatu dezakete eta lau maila ezberdin egongo dira: haurrena, juniorrena eta beteranoena.
Tenis Kluba
Amurrioko Tenis Klubak urria eta maiatza artean ikastaroa emango du. 8 eta 14 urte arteko umeentzat eta helduentzat talde ezberdinak egongo dira. Hori bai, kasu batean zein bestean bazkideak ez direnek 200 euro ordainduko dituzte. Bazkideek, aldiz, 190. Udal frontoian eta 620924701 telefonoaren bidez eman daiteke izena.
Laudio Atletismo Kluba
Edu Frutosek zuzentzen duen atletismo eskolak izena emateko epea ireki du, 7 urte baino gehiago dituzten umeen artean. Eta ez hori bakarrik, egunero korrika egiten duten helduentzat Laudio Atletismo klubak entrenamendu zerbitzu pertsonalizatua eskainiko du. Informazio gehiago jasotzeko atletismolaudio@euskalnet.net posta elektronikora idazteko eskatu dute.